ଆମ ଓଡିଶା ନବୀନ ଓଡିଶା ପଂଚାୟତ ସ୍ତରୀୟ ସଚେତନ ଶିବିର
ପାପଡାହାଣ୍ଡି,6/2, ମନିସ — ନବରଙ୍ଗପୁର ଜିଲ୍ଲା ପାପଡାହାଣ୍ଡି ବ୍ଲକ ସଦର ଗ୍ରାମ ପଂଚାୟତ ଓ ମୋକିଆ ପଂଚାୟତ ଠାରେ ଆମ ଓଡିଶା ନବୀନ ଓଡିଶାର ପଂଚାୟତ ସ୍ତରୀୟ ସଚେତନ ଶିବିର ମଙ୍ଗଳବାର ଅନୁଷ୍ଠିତ ହୋଇଯାଇଛି | ମଧ୍ୟାହ୍ନ 12 ଘଣ୍ଟା ସମୟରେ ମୋକିଆ ପଂଚାୟତ କାର୍ଯ୍ୟାଳୟରେ ସରପଞ୍ଚ ଜଗତ ଜୀବନ ନାୟକଙ୍କ ସଭାପତିତ୍ବରେ ଜିଲ୍ଲା ପରିଷଦ ଅଧକ୍ଷ 
ମୋତିରାମ ନାୟକ, ବ୍ଲକ ଅଧକ୍ଷା ହେମଲତା ମାଝୀ, ଉପାଧକ୍ଷ ସୁଶାନ୍ତ ବେହେରା, ବିଡ଼ିଓ ଦୁର୍ଯ୍ୟୋଧନ ଭୋଇ ଓ ନୂତନ ବିଡ଼ିଓ କପିଳଦେବ ସାହୁ ପ୍ରମୁଖ ଉପସ୍ଥିତ ଥିଲେ | ଅତିଥି ମାନଙ୍କୁ ଏକ ଶୋଭାଯାତ୍ରାରେ ପାଛୋଟି ନିଆ ଯାଇଥିଲା | ପରେ ସେମାନେ ଆମ ଓଡିଶା ନବୀନ ଓଡିଶାର ବିଭିନ୍ନ ଯୋଜନା ସଂପର୍କରେ ଲୋକଙ୍କୁ ଅବଗତ କରାଇଥିଲେ | ଗ୍ରାମାଞ୍ଚଳର କିପରି ବିକାଶ ହୋଇଛି ସେ ନେଇ ଉପସ୍ଥାପନ କରିଥିଲେ | ପୂର୍ବତନ ସମିତି ସଭ୍ୟ ଯୁଗଳ ବିଶୋଇ ସହ ସ୍ଥାନୀୟ ଜନ ପ୍ରତିନିଧି ଉପସ୍ଥିତ ଥିଲେ | ଏହି ଯୋଜନାରେ ଉପକୃତ ବ୍ୟକ୍ତି ବିଶେଷଙ୍କୁ ସମ୍ମାନିତ କରାଯାଇଥିଲା | ଅପରାହ୍ନ 3 ଘଣ୍ଟା ସମୟରେ ପାପଡାହାଣ୍ଡି ପଂଚାୟତ କାର୍ଯ୍ୟାଳୟରେ ସରପଞ୍ଚ ଚନ୍ଦ୍ର ଶେଖର ମାଝୀଙ୍କ ସଭାପତିତ୍ୱରେ ଜିଲ୍ଲା ପରିଷଦ ଅଧକ୍ଷ ମୋତିରାମ ନାୟକ, ବ୍ଲକ ଅଧକ୍ଷା ହେମଲତା ମାଝୀ, ଉପାଧକ୍ଷ ସୁଶାନ୍ତ ବେହେରା, ବିଡ଼ିଓ ଦୁର୍ଯ୍ୟୋଧନ ଭୋଇ ଓ ନୂତନ ବିଡ଼ିଓ କପିଳଦେବ ସାହୁ ପ୍ରମୁଖ ଉପସ୍ଥିତ ଥିଲେ | ଉପସ୍ଥିତ ଜନ ସାଧାରଣଙ୍କୁ ରାଜ୍ୟ ସରକାରଙ୍କ ଗ୍ରାମଞ୍ଚଳର ବିକାଶ ଲାଗି ଆମ ଓଡିଶା ନବୀନ ଓଡିଶା ଯୋଜନା ଏକ ପ୍ରୟାସ ବୋଲି କହିଥିଲେ |
ପାପଡାହାଣ୍ଡି ରୁ ସ୍ଵପ୍ନ ଜିତ ପଟ୍ଟନାୟକ ଙ୍କ ରିପୋର୍ଟ୍
