ପ୍ରାକ୍ତନ ଉପବାଚସ୍ପତି ତଥା ମନ୍ତ୍ରୀ ସୁରେନ୍ଦ୍ରନାଥ ନାୟକ ବିୟୋଗରେ ଶୋକ
ରାଉରକେଲା: ବିଜୁ ପଟ୍ଟନାୟକଙ୍କ ଅମଳରେ ଉପବାଚସ୍ପତି ତଥା ରାଜସ୍ବ ଓ ଗଣଶିକ୍ଷା ମନ୍ତ୍ରୀ ଭାବେ ଦାୟିତ୍ଵ ତୁଲାଇଥିବା ସୁରେନ୍ଦ୍ରନାଥ ନାୟକ ଙ୍କ ୯୪ ବର୍ଷ ବୟସରେ ଭୁବନେଶ୍ଵର ସ୍ଥିତ ବାସଭବନରେ ପରଲୋକ ହୋଇଯାଇଛି। ଏଥିରେ ମର୍ମାହତ ସଚେତନ ନାଗରିକ ମଞ୍ଚର ସାଧାରଣ ସମ୍ପାଦକ ପି ପି ରାୟ ଗଭୀର ଶୋକ ପ୍ରକାଶ କରି ରାଜନୀତି କ୍ଷେତ୍ରରେ ଏକ ଉଜ୍ଜ୍ୱଳ ନକ୍ଷତ୍ର ଲିଭିଗଲା ବୋଲି ମତ କରିବା ସହ ଶୋକସନ୍ତପ୍ତ ପରିବାରକୁ ସମବେଦନା ଜଣାଇଛନ୍ତି। ସୂଚନାଯୋଗ୍ୟ ଯେ ସ୍ବର୍ଗତ ନାୟକ ଦୁଇଦୁଇ ଥର କରୋନା ରେ ପିଡିତ ଓ ପରେ ବାର୍ଦ୍ଧକ୍ୟ କାରଣ ଯୋଗୁଁ ହୁଇଲ ଚେୟାର ମାଧ୍ୟମରେ ଚଳପ୍ରଚଳ କରୁଥିଲେ। ସେ ଜଣେ ଅମାୟିକ ଓ କର୍ତ୍ତବ୍ୟନିଷ୍ଠ ବ୍ୟକ୍ତି ଭାବେ ପରିଚିତ ଥିଲେ।
ରାଉରକେଲା ରୁ କୁଞ୍ଜ ବିହାରି ରାଉତ ଙ୍କ ରିପୋର୍ଟ୍
