ସାମାନ୍ୟ ବର୍ଷାରେ ରାସ୍ତା ଉପରେ ଆଣ୍ଠୁଏ ପାଣି, ସୃଷ୍ଟି ହେଉଛି କୃତ୍ରିମ ବନ୍ୟା
ଖଇରା,୧୩/୭/୨୪- ବାଲେଶ୍ଵର ଜିଲ୍ଲା ଖଇରା ବ୍ଲକ ଖଇରା ପଞ୍ଚାୟତ ଆଳଦା ଗ୍ରାମର ବାଲିସାହି ରାସ୍ତାରୁ ଉପେନ୍ଦ୍ର ନାଥ ବେହେରାଙ୍କ ଘରକୁ ରାସ୍ତା । ସାମାନ୍ୟ ବର୍ଷା ହେଲେ ଉକ୍ତ ରାସ୍ତାରେ ଆଣ୍ଠୁଏରୁ ଉର୍ଦ୍ଧ୍ବ ପାଣି କୃତ୍ରିମ ବନ୍ୟା ସୃଷ୍ଟି ହେଉଛି, ଯାହାକି ଯାତାୟାତ ପାଇଁ ଅସୁବିଧା ସୃଷ୍ଟି ହେଉଛି । ଆଜି ବର୍ଷାରେ ତାହାର ଦୃଶ୍ୟ ଦେଖିବାକୁ ମିଳିଛି । ଏ ବିଷୟରେ ଶ୍ରୀ ବେହେରା ଅଭିଯୋଗ କରୁଥିଲେ ମଧ୍ୟ ଫଳ ଶୂନ୍ୟ । ଏହି ରାସ୍ତା ସଂଲଗ୍ନ ଅଧିବାସୀ ମାନେ ମଧ୍ୟ ହଇରାଣ ହେଉଛନ୍ତି । ଏ ବିଷୟରେ ପୂର୍ବତନ ସରପଞ୍ଚ ତଥା ବର୍ତ୍ତମାନର ସରପଞ୍ଚ ମାଳତୀ ସେଠୀଙ୍କ ସ୍ବାମୀ ସୁଦର୍ଶନ ସେଠୀଙ୍କୁ ପଚାରିବାରୁ ବିନା ଅନୁମତିରେ ଚାଷ ଜମି ପୋତି ଦେବା ଦ୍ବାରା ଜଳ ନିଷ୍କାସନ ଠିକ୍ ଭାବେ ହୋଇ ପାରୁନାହିଁ । ଯେଉଁଥି ପାଇଁ ସାମାନ୍ୟ ବର୍ଷାରେ କୃତ୍ରିମ ବନ୍ୟା ଭଳି ପରିସ୍ଥିତି ସୃଷ୍ଟି ହେଉଛି । ଏଥିନେଇ ତହସିଲଦାର ନିକଟରେ ଅଭିଯୋଗ ହେବା ଦରକାର । ଆହୁରି ମଧ୍ୟ କହିଛନ୍ତି ଆଗାମୀ ଦିନରେ ଟଙ୍କା ଆସିଲେ ପଞ୍ଚାୟତ ତରଫରୁ ଡ୍ରେନ୍ ଓ ରାସ୍ତା ଉଚ୍ଚାର ବ୍ଯବସ୍ଥା କରାଯିବ । ଯାହାଦ୍ଵାରା ଏଭଳି କୃତ୍ରିମ ବନ୍ୟା ସୃଷ୍ଟିକୁ ଏଡ଼ାଇବା ସମ୍ଭବ ହେବ ବୋଲି ଅନୁମାନ କରାଯାଏ ।।
ବାଲେଶ୍ଵରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
