ମୋଟରସାଇକେଲ ଦୁର୍ଘଟଣା, ଯୁବକ ମୃତ
ଡାବୁଗାଁ, ୧/୮ (ମ.ନି.ସ.)- ନବରଙ୍ଗପୁର ଜିଲା ଡାବୁଗାଁ ଥାନା ର ଶିଂସାରି ଫାଣ୍ଡି ଅଧୀନ ଦନ୍ଧିବେଢା ଗ୍ରାମର ଜଣେ ଯୁବକ ମୋଟାରସାଇକେଲ ଦୁର୍ଘଟଣାରେ ମୃତ୍ୟୁ ଘଟିଥିବା ନେଇ ଗୁରୁବାର ଡାବୁଗାଁ ଥାନାରେ ଅଭିଯୋଗ ହୋଇଛି | ସୂଚନାଯୋଗ୍ୟ:- ୨୯.୭.୨୪ ତାରିଖ ଦିନ ଅପରାହ୍ନ ୩ ଘ. ସମୟରେ ଶିଂସାରି ଫାଣ୍ଡି ଅଧୀନ ଦନ୍ଧିବେଢା ଗ୍ରାମର ସନସିଂ ଭତ୍ରା (୨୮) ନିଜ ମୋଟାରସାଇକେଲ ନଂ ଓଡି ୨୪-୨୨୧୯ ଯୋଗେ ଘରୁ ଶିଂସାରି ଯାଉଥିଲା | ରାସ୍ତାରେ ଭାରସାମ୍ୟ ଭାରସାମ୍ୟ ହରାଇ ରାସ୍ତା କଡକୁ ପଡି ଯାଇ ଆହତ ହୋଇଥିଲେ | ତାଙ୍କୁ ସଙ୍ଗେ ସଙ୍ଗେ ଉମରକୋଟ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରଯାଇଥିଲା | ସେଠାରେ ତାଙ୍କ ଅବସ୍ଥା ଗୁରୁତ୍ତର ହେବାରୁ ତାଙ୍କୁ ନବରଙ୍ଗପୁର ଜିଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରଜିଥିଲା | ସେଠାରୁ କୋରାପୁଟ ସହିଦ ଲକ୍ଷ୍ମଣ ନାୟକ ମେଡିକାଲ କଲେଜ ଡାକ୍ତରଖାନାକୁ ସ୍ଥାନାନ୍ତର କରାଯାଥିଲା | ସେଠାରେ ଚିକିତ୍ସିତ ଅବସ୍ଥାରେ ଗୁରୁବାର ସକାଳୁ ସନସିଂ ଙ୍କ ମୃତ୍ୟୁ ଘଟିଥିଲା | ଏନେଇ ମୃତକ ର ବାପା ପରଶୁରାମ ଭତ୍ରା ଡାବୁଗାଁ ଥାନାରେ ଏତଲା ଦେଇଥିଲେ | ଉକ୍ତ ଏତଲାକୁ ଭିତ୍ତି କରି ଥାନା କେସ ନଂ ୧୪୬/୨୪ ରେ ଏକ ମାମଲା ରୁଜୁ କରାଯାଇଛି | ଶିଂସାରି ଫାଣ୍ଡି ଅଧିକାରୀ ହରିହର ଭତ୍ରା ଉକ୍ତ ଘଟଣାର ତଦନ୍ତ କରୁଛନ୍ତି |
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
