ତେରେସିଂହା କଲେଜରେ ନିଶା ନିବାରଣ କାର୍ଯ୍ୟକ୍ରମ
କର୍ଲାମୁଣ୍ଡା: କର୍ଲାମୁଣ୍ଡା ବ୍ଲକ୍ ତେରେସିଂହା ଉଚ୍ଚ ମାଧ୍ୟମିକ ବିଦ୍ୟାଳୟ ଠାରେ ଜାତୀୟ ସେବା ଯୋଜନା ଆନୁକୁଲ୍ୟରେ ନିଶା ନିବାରଣ ଉପରେ ଏକ ସଚେତନତା କାର୍ଯ୍ୟକ୍ରମ ଶୁକ୍ରବାର ଅନୁଷ୍ଠିତ ହୋଇ ଯାଇଅଛି l ଏହି କାର୍ଯ୍ୟକ୍ରମରେ କୌଶିକ ବାବା ଡିଗ୍ରୀ ମହାବିଦ୍ୟାଳୟର ସେବା ଯୋଜନା ଅଧିକାରୀ ଶ୍ରୀ ରବିନ୍ଦ୍ର ମାଝୀ ମୁଖ୍ୟ ଅତିଥି ଭାବରେ ଯୋଗଦାନ କରିଥିବା ବେଳେ ବିଦ୍ୟାଳୟର ଶିକ୍ଷା ବିଭାଗ ଅଧ୍ୟାପକ ଶ୍ରୀ ସୁବ୍ରତ ରଣା ମୁଖ୍ୟବକ୍ତା ଭାବରେ ମଞ୍ଚାସିନ ହୋଇଥିଲେ l ମୁଖ୍ୟବକ୍ତା ସ୍ୱେଚ୍ଛାସେବୀ ମାନଙ୍କୁ ନିଶା ର ଦୁରୁପଯୋଗ ରୋକିବା ସମ୍ପର୍କରେ ଆଲୋକପାତ କରିବା ଓ ନିଶା ରୁ ମୁକ୍ତ ହେବା ପାଇଁ ଶପଥ ଗ୍ରହଣ କରିବା ପାଇଁ ଅନୁରୋଧ କରିଥିଲେ l ବିଦ୍ୟାଳୟ ର ଜାତୀୟ ସେବା ଯୋଜନା କାର୍ଯ୍ୟକ୍ରମ ଅଧିକାରୀ ଶ୍ରୀ ଶାନ୍ତନୁ କୁମାର ମହାଖୁଡ ଛାତ୍ରଛାତ୍ରୀ ମାନଙ୍କୁ ଆଜିର ସମୟରେ ନିଶା କିପରି ସେମାନଙ୍କ ଭବିଷ୍ୟତକୁ ଅନ୍ଧକାର ମଧ୍ୟକୁ ଆଗେଇ ନେଉଛି ସେ ସମ୍ପର୍କରେ ସମ୍ୟକ ଧାରଣା ଦେବା ସହ ନିଜ ପରିବାର ଓ ପରିଜନବୃନ୍ଦଙ୍କୁ ମଧ୍ୟ ଏଥି ପ୍ରତି ସଚେତନ କରିବା ପାଇଁ ଅନୁରୋଧ କରିଥିଲେ l ଏହି କାର୍ଯ୍ୟକ୍ରମରେ ବିଦ୍ୟାଳୟର ବରିଷ୍ଟ କିରାଣୀ ଦେବେନ୍ଦ୍ର ରଣା, ଡୋଳାମଣି ଗହୀର, ତପବନ୍ତ ଗହୀର ସମେତ ସମସ୍ତ ଜାତୀୟ ସେବା ଯୋଜନାର ସ୍ୱେଚ୍ଛାସେବୀ ମାନେ ସହଯୋଗ କରିଥିଲେ l
କର୍ଲାମୁଣ୍ଡାରୁ ସୁଶାନ୍ତ ରଣାଙ୍କ ରିପୋର୍ଟ, ମସୀହା
