ବେଡାପଦର ଅଙ୍ଗନବାଡ଼ି କେନ୍ଦ୍ର, ଶିଶୁ ନା ଗର୍ଭବତୀ, ନା କାହାପାଇଁ ?
ନବରଙ୍ଗପୁର :(୧୮/୮)(ରବି ନାରାୟଣ ମହାନ୍ତି)ନବରଙ୍ଗପୁର ଜିଲ୍ଲା ତେନ୍ତୁଳିଖୁଣ୍ଟି ବ୍ଲକ ମଞ୍ଚାଗାଁ ଗ୍ରାମ ପଞ୍ଚାୟତ ବେଡ଼ା ପଦର ଗ୍ରାମର ଅଙ୍ଗନବାଡି କେନ୍ଦ୍ର କର୍ମୀ ଓ ସହାୟିକା ଙ୍କ ପାଇଁ ନା ଅଙ୍ଗନୱାଡ଼ି ହିତାଧିକାରୀ ଙ୍କ ପାଇଁ ବୋଲି ପ୍ରଶ୍ନ ଉଠୁଛି। ଶିଶୁ ବିକାଶ ପ୍ରକଳ୍ପ ର 
ସୁପରଭାଇଜର ମଧ୍ୟ କେନ୍ଦ୍ର ପରିଦର୍ଶନ ରେ ଯାଇ ସରକାରୀ ସେବା ହିତାଧିକାରୀ ଙ୍କ ପାଖ ରେ ଠିକ୍ ରୂପେ ପହଞ୍ଚୁଛି ନା ନାହିଁ ଯାଞ୍ଚ କରିପାରୁ ନାହାନ୍ତି। ଏହି ଗ୍ରାମ ଟି ବ୍ଲକ୍ ର ଶେଷ ସୀମା କଳାହାଣ୍ଡି ଜିଲ୍ଲା ର ଥୁଆମୂଳ ରାମପୁର ବ୍ଲକ୍ ର ଶେଷ ସୀମା କୁ ଲାଗି ରହିଛି। ଶିଶୁ ଓ ଗର୍ଭବତୀ ମହିଳାଙ୍କ ପାଇଁ ଆସୁଥିବା ସରକାରୀ ଯୋଜନା ସଠିକ୍ ଭାବେ ପହଞ୍ଚି ପାରୁ ନାହିଁ। ସେହି ଭଳି ବେଡ଼ାପଦର ଅଙ୍ଗନୱାଡ଼ି କେନ୍ଦ୍ର ପରିସର ରେ ମଧ୍ୟ ସ୍ଵାଧୀନତା ଦିବସ ରେ ଜାତୀୟ ପତାକା ମଧ୍ୟ ଉତ୍ତୋଳନ କରାଯାଉ ନ ଥିବା ଅଭିଯୋଗ ଆସୁଛି। ଏ ନେଇ ଗ୍ରାମବାସୀ ଙ୍କୁ ପଚାରି ଵାରୁ ଅଙ୍ଗନୱାଡ଼ି ଦିଦି ମାସ ରେ ୪ ରୁ ୬ ଥର ହିଁ ଆସନ୍ତି ବୋଲି ଗ୍ରାମବାସୀ କହିଛନ୍ତି। ସ୍ଥିତି ଏପରି ହୋଇଛି ଯେ ରନ୍ଧା ଖାଦ୍ୟ ବଦଳ ରେ ଚାଉଳ ହିତାଧିକାରୀଙ୍କୁ ବେଳେ ବେଳେ ଦିଆଯାଉଛି ସେଥିରେ ମଧ୍ୟ ନିର୍ଦ୍ଦେଶନାମା ପ୍ରକାରେ ଓଜନ ରହୁନି। ପୁଷ୍ଟିକର ଖାଦ୍ୟ ଦୁରେ ଥାଉ ଅଣ୍ଡା ର ପରିମାଣ ମଧ୍ୟ ନିୟମ ପ୍ରକାରେ ଦିଆଯାଉନାହିଁ। ଛଅ ମାସରୁ ଉର୍ଦ୍ଧ୍ୱ ହେଲାଣି ଅଙ୍ଗନୱାଡ଼ି ପରିଚାଳନା ରେ ବିଭ୍ରାଟ ବୃଦ୍ଧି ପାଇଛି। ଜାତୀୟ ଶିକ୍ଷା ନୀତି ୨୦୨୦ରେ ପ୍ରାକ୍ ବିଦ୍ୟାଳୟ ଶିକ୍ଷା ର ମୁଖ୍ୟ ଭୂମିକା ଥିବା ବେଳେ ଏହି କେନ୍ଦ୍ର ର ଏପରି ସ୍ଥିତି କାହାକୁ ଉପହାସ ବୋଲି ପ୍ରଶ୍ନ ଉଙ୍କୁଛି।ଏ ତ ଗଲା କର୍ମୀ ଓ ତାଙ୍କ କାର୍ଯ୍ୟକଳାପ । ଅଙ୍ଗନୱାଡ଼ି କେନ୍ଦ୍ର ଗୃହ ର ସ୍ଥିତି ମଧ୍ୟ ଜରାଜୀର୍ଣ୍ଣ ଅବସ୍ଥା ରେ ରହିଛି। ଶୁଣାଯାଉଛି ଏହି କେନ୍ଦ୍ର ର ଗୃହ ନିର୍ମାଣ ପାଇଁ ପ୍ରାବଧାନ ପଞ୍ଚାୟତ ସମିତି ତରଫରୁ ରଖାଯାଇଛି।
ମସିହା ନିୟୁଜ୍ ସର୍ଭିସ୍
