ମୁଖ୍ୟମନ୍ତ୍ରୀ ଅଭିଯୋଗ ପ୍ରକୋଷ୍ଠରେ ଦିଆଯାଇଥିବା ଦାବି ର କାର୍ଯ୍ୟକାରୀ ସୂଚନା
ଧର୍ମଗଡ଼ ରେମିଡ଼ିଆଲ ପାର୍ଟ ଟାଇମ ଶିକ୍ଷକ ସଂଘ ତରଫରୁ ଛଟେଇ ଶିକ୍ଷକ ମାନଙ୍କୁ ପୁନଃ ନିଯୁକ୍ତି ପ୍ରଦାନ କରିବା ନେଇ ଭୁବନେଶ୍ୱର ଠାରେ ମୁଖ୍ୟମନ୍ତ୍ରୀ ଗ୍ରୀଭେନ୍ସ,ଓସେପା ଗ୍ରୀଭେନ୍ସ, ଶିକ୍ଷାମନ୍ତ୍ରୀ ଙ୍କୁ ଗତ ଜୁଲାଇ ମାସରେ , ଲିଖିତ ଦାବିପତ୍ର ପ୍ରଦାନ କରା ଯାଇଥିଲା । ତାହା ଆଜି ମୁଖ୍ୟମନ୍ତ୍ରୀ କାର୍ଯ୍ୟାଳୟରେ ପଞ୍ଜିକୃତ ହୋଇ ଓଡିଶା ସରକାରଙ୍କ ବିଦ୍ୟାଳୟ ଓ ଗଣଶିକ୍ଷା ବିଭାଗ ସେକ୍ରେଟାରୀ କାର୍ଯ୍ୟାଳୟରେ କାର୍ଯ୍ୟକାରୀ ଜାରି ରହିଥିବା ଧର୍ମଗଡ଼ ରେମିଡ଼ିଆଲ, ପାର୍ଟ ଟାଇମ ଶିକ୍ଷକ ସଂଘ ପାଖକୁ ସୂଚନା ଆସିଅଛି । ଯାହାଫଳରେ ସଂଘ ତରଫରୁ ମୁଖ୍ୟମନ୍ତ୍ରୀ ଙ୍କୁ ଧନ୍ୟବାଦ ଜଣାଇଛନ୍ତି ।ସୂଚନା ମତେ କଳାହାଣ୍ଡିର ବିଦ୍ୟାଳୟ ମାନଙ୍କରେ ସନ ୨୦୦୬-୨୦୦୭ ମସିହାରେ ଶିକ୍ଷକର ଘୋର ଅଭାବ ଥିବା ସମୟରେ ଏନ.ପି.ଇ.ଜି. ଇ.ଏଲ ସ୍କିମ ଜରିଆରେ ମାଳତୀ ଚୌଧୁରୀ ବିକାଶ କେନ୍ଦ୍ର ଜରିଆରେ ସରକାରଙ୍କ ନିର୍ଦେଶ କ୍ରମେ ବିଦ୍ୟାଳୟ ଭି.ଇ.ସି କମିଟି ଓ ସି.ଏଲ.ସି.ସି ସଦସ୍ୟ ମାନଙ୍କ ସୁପାରିଶ କ୍ରମେ ୩ମାସ ଲେଖାଏଁ ସକାଳ ଘ.୧୦ ରୁ ଅପରାହ୍ନ ୪ଟା ଯାଏ ଶିକ୍ଷାଦାନ ଦେବା ପାଇଁ ନିଯୁକ୍ତି ଦିଆ ଯାଇଥିଲା । ଓ ପରେ ୨୦୧୧ ମସିହାରେ ଛଟେଇ କରାଯାଇଥିଲା । ତେଣୁ ନିଯୁକ୍ତି ହୋଇଥିବା ସମସ୍ତ ରେମିଡ଼ିଆଲ, ପାର୍ଟ ଟାଇମ ଶିକ୍ଷକ ମାନଙ୍କୁ ପୁନଃ ନିଯୁକ୍ତି ଦେଇ ନିୟମିତ ଶିକ୍ଷକ ଭାବେ ବିବେଚିତ କରିବା ପାଇଁ ଧର୍ମଗଡ଼ ରେମିଡ଼ିଆଲ, ପାର୍ଟ ଟାଇମ ଶିକ୍ଷକ ସଂଘ ଓଡିଶା ସରକାରଙ୍କୁ ନିବେଦନ କରିଛନ୍ତି ।
ଢଗ ନାଏକ ଙ୍କ ରିପୋର୍ଟ୍
