ଝରୀଗାଁ ଥାନା ପକ୍ଷରୁ ଆମ ପୋଲିସ ସମିତିର ସଚେତନତା କାର୍ଯ୍ୟକ୍ରମ ଅନୁଷ୍ଠିତ
ନବରଙ୍ଗପୁର:(ତା ୩୦/୦୮)(ରବି ନାରାୟଣ ମହାନ୍ତି)-ନବରଙ୍ଗପୁର ଜିଲ୍ଲା ଝରୀଗାଁ ବ୍ଲକ ସଦର ମହକୁମାର ଥାନା ପରିସରରେ ପୋଲିସ ପକ୍ଷରୁ ଆମ ପୋଲିସ ସମିତିର ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମରେ ଝରୀଗାଁ ଥାନାର ଥାନା ଅଧିକାରୀ ତପନ କୁମାର ପତି ଅଧ୍ୟକ୍ଷତା କରିଥିବା ବେଲେ ସ୍ଥାନୀୟ ସରପଞ୍ଚ ଯୋଗେଶ୍ୱର ପୂଜାରୀଙ୍କ ସମେତ ବୁଦ୍ଧିଜୀବୀ,ଆଇନଜୀବି,ଜନ ପ୍ରତିନିଧି ,ବ୍ୟବସାୟୀ , ଜନସାଧାରଣ ଓ ଗଣମାଧ୍ୟମ ପ୍ରତିନିଧିମାନେ ଯୋଗଦେଇଥିଲେ । ଆୟୋଜିତ କାର୍ଯ୍ୟକ୍ରମରେ ଥାନା ଅଧିକାରୀ ଶ୍ରୀ ପତି ସଡ଼କ ସୁରକ୍ଷା ତଥା ଛୋଟଛୋଟ ପିଲା ବା ନାବାଳକ ମାନଙ୍କୁ ଯାନବାହାନ ନ ଦେବା ,ମଦ୍ୟପାନ କରି ଯାନବାହାନ ନଚଳେଇବା ,ବାଲ୍ୟ ବିବାହ ରୋକିବା,ପୁଅଝିଅ ମାନଙ୍କୁ ଶିକ୍ଷିତ କରିବା , ଯୁବବର୍ଗଙ୍କୁ ସଚେତନ କରିବା, ଅନ୍ଧ ବିଶ୍ୱାସ ଉପରେ ସଚେତନ ହେବା ଆଦି ଉପସ୍ଥିତ ଜନସାଧାରଣଙ୍କୁ ବୁଝାଇଥିଲେ |ପୋଲିସ କର୍ମଚାରୀ ମହେଶ ପଟ୍ଟନାୟକ ବିଶେଷ କରି ସାଇବର କ୍ରାଇମ ଉପରେ ସଚେତନ କରିବା ସହ କିଛି ଘଟଣାର ଉଦାହରଣ ମଧ୍ୟ ଦେଇଥିଲେ ଓ ଅଶ୍ଳୀଳ ଭିଡିଓ କୁ ଟଚ ନକରିବା ଓ ଅଜଣା ନମ୍ବରରୁ କଲ ଆସିଲେ ତାକୁ ନଉଠେଇବା, ନିଜ ଓଟିପି ଅନ୍ୟ କାହାରିକୁ ମଧ୍ୟ ପ୍ରଦାନ ନକରିବା ପାଇଁ ପରାମର୍ଶ ଦେଇଥିଲେ |ଅନ୍ୟ ପୋଲିସ କର୍ମଚାରୀ ମାନଙ୍କ ମଧ୍ୟରେ ଏସ ଆଇ ରାଜୁ ବଞ୍ଜାରା, ଏସ ଆଇ କେଦାରନାଥ ରାଉତ, ଏ ଏସ ଆଇ ମମତା ସେଠୀ, ହାବିଲଦାର ମୁରଲୀଧର ବିଷୋୟୀଙ୍କ ସମେତ ସମସ୍ତ ପୋଲିସ କର୍ମଚାରୀମାନେ ଉପସ୍ଥିତ ରହିଥିଲେ |
ରବି ନାରାୟଣ ମହାନ୍ତି ଙ୍କ ରିପୋର୍ଟ୍
