ନଦୀରେ ବୁଡି ମହିଳା ନିଖୋଜ
ଡାବୁଗାଁ, ୪/୯ (ମ.ନି.ସ.)- ନବରଙ୍ଗପୁର ଜିଲା ଡାବୁଗାଁ ବ୍ଲକ ଅଧୀନ ଉମୁରାହାଣ୍ଡି ଗ୍ରାମ ନିକଟ ଅଙ୍ଗୀ ନଦୀରେ ବୁଧବାର ଅପରାହ୍ନରେ ଜଣେ ମହିଳା ଭାସି ଯାଇ ନିଖୋଜ ହୋଇଯାଇଛି | ସୂଚନାଯୋଗ୍ୟ:- ଡାବୁଗାଁ ବ୍ଲକ ଅଧୀନ ଉମୁରାହାଣ୍ଡି ଗ୍ରାମର ହରି ଭତ୍ରା ଙ୍କ ସ୍ତ୍ରୀ ମୁକ୍ତା ଭତ୍ରା ସୁଭଦ୍ରା ଯୋଜନାରେ ସହାୟତା ରାଶି ପାଇବା ନିମନ୍ତେ ନିଜର ଆଧାର ପରିଚୟ ପତ୍ରରେ ମୋବାଇଲ ନମ୍ବର ଲିଙ୍କ କରିବା ପାଇଁ ବୁଧବାର ଅପରାହ୍ନ ପ୍ରାୟ ୧ ଘ. ସମୟରେ ଘରୁ ବାହାରି ଆସି ଗ୍ରାମ ପାଖ ଅଙ୍ଗୀ ନଦୀ ପାର ହେଉଥିବା ବେଳେ ଗୋଡ ଖସି ଯାଇ ଭାସି ଯାଇଥିଲେ | ପ୍ରାୟ ୨ ଘ ସମୟରେ ସେହି ଗ୍ରାମର ଜଣେ ଲୋକ ନିଜ ଜମିକୁ ଫସଲ ଦେଖିବାକୁ ଆସିଥିଲେ | ନଦୀ କଡରେ ବୁଲିବା ସନାୟରେ ନଦୀରେ ମହିଳା ଭାସୁଥିବା ଦେଖି ଗ୍ରାମବାସୀ ଓ ପରିବାର ଲୋକ ଙ୍କୁ ଖବର ଦେଇଥିଲେ | ଅପରାହ୍ନ ୪ ଘ. ସମୟରେ ଡାବୁଗାଁ ଅଗ୍ନିସମ କେନ୍ଦ୍ରକୁ ଖବର ଦେଇଥିଲେ | ଖବର ପାଇ ଅଗ୍ନିସମ କେନ୍ଦ୍ର କର୍ମଚାରୀ ମାନେ ପହଞ୍ଚି ଖୋଜାଖୋଜି କରିଥିଲେ କିନ୍ତୁ ମହିଳା ଙ୍କ ସନ୍ଧାନ ମିଳି ନଥିଲା | ରାତ୍ରି ହେବାରୁ ଅଗ୍ନିସମ କର୍ମଚାରୀ ମାନେ ଖୋଜିବା ବନ୍ଦ କରିଥିଲେ |
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
