ନାବାର୍ଡ ସହାୟତା ରେ ଗ୍ରାମୀଣ ଯୁବକ ଙ୍କୁ କୃଷି ଅଭିମୁଖି କରିବା ନେଇ କର୍ମଶାଳା
ତେନ୍ତୁଳିଖୁଣ୍ଟି ୧୦/୦୯/୨୪ //ଅଦ୍ୟ ତା୧୦.୦୯.୨୪ ରିଖ ଦିନ ନବରଙ୍ଗପୁର ଜିଲ୍ଲା ରେ ଗ୍ରାମୀଣ ଯୁବକ ଙ୍କୁ କୃଷି ଅଭୀମୁଖି EYRA ପ୍ରକଳ୍ପ ଟି ଅଗ୍ରଗାମୀ ସ୍ବେଛାସେବୀ ସଂଗଠନ ଦ୍ଵାରା ଉଦଘାଟନ କରାଯାଇଛି ।ଏହି ସମ୍ମିଳନୀ ରେ ନବରଙ୍ଗପୁର ଜିଲ୍ଲା ର ବିଭିନ୍ନ ସରକାରୀ ବିଭାଗ ର କର୍ମଚାରୀ ତଥା ଏ. ଡି. ଏମ୍ ମହେଶ୍ୱର ଚନ୍ଦ୍ର ନାୟକ ,ସି ଡି,ଏମ୍ ଡ.ଅଜୟ କୁମାର କର , ଏ.ଡି.ଓ ଅନିଲ୍ କୁମାର ପ୍ରହରାଜ ,ଡି.ଡି.ଏମ୍ ନାବାର୍ଡ ବିକାଶ ଟିଗ୍ଗା, କୃଷି ବିଜ୍ଞାନ କେନ୍ଦ୍ର ର ମୁଖ୍ୟ ଡ଼.ଶଶାଙ୍କ ଲେଙ୍କା ,ଆଇ.ଟି. ଡିଏ ର ପ୍ରଜେକ୍ଟ ମେନେଜର ଗୋବିନ୍ଦ କୁମାର କର ଓ ଏଲ୍.ଡି .ଏମ୍ ଗୋପାଳ କୃଷ୍ଣ ପଣ୍ଡା ଯୋଗ ଦେଇଥିଲେ ।
ଏହି ଉଦଘାଟନ ସମ୍ମିଳନୀ ରେ ନବରଙ୍ଗପୁର ଜିଲ୍ଲା ର ବିଭିନ୍ନ ବ୍ଲକ ରୁ ୨୫ଜଣ ଛତୁ ଚାଷୀ ତାଲିମ୍ ନିମନ୍ତେ ଯୋଗଦାନ କରିଥିଲେ ।ଏହି ତାଲିମ୍ କାର୍ଯ୍ୟକ୍ରମ ଟି ଦଶ ଦିନ ଧରି ଜାରି ରହିବ ବୋଲି ସୂଚନା ଦିଆଯାଇଥିଲା ।ଏହି ପ୍ରକଳ୍ପ ମାଧ୍ୟମ ରେ ଜିଲ୍ଲା ର ମୋଟ ୨୫୦ ଜଣ ଯୁବକ ଯୁବତୀ ମାନେ କିପରି ସ୍ବାବଲମ୍ବୀ ହେଇ ପାରିବେ ସେ ନେଇ ଏ.ଡି.ଏମ୍ ମହେଶ ଚନ୍ଦ୍ର ନାୟକ ମତବ୍ୟକ୍ତ କରିଥିଲେ । ଛତୁ ଚାଷ କରି କିପରି ଯୁବକ ଯୁବତୀ ମାନେ ନିଜର ଆର୍ଥିକ ଅବସ୍ଥା କୁ ସୁଦୃଢ କରି ପାରିବେ ସେ ନେଇ ନାବାର୍ଡ ଡି.ଡି.ଏମ୍ ବିକାଶ ଟିଗ୍ଗା ଆଲୋକପାତ କରିଥିଲେ ।
ଅଗ୍ରଗାମୀ କର୍ମକର୍ତ୍ତା ମାନେ ତଥା ଜଗନ୍ନାଥ ଜେନା, ମହେନ୍ଦ୍ର ନାଥ ଓ ରଙ୍ଗାଧର ବେହେରା ଏହି ୧୦ ଦିନିଆ ତାଲିମ୍ ବାବଦ ରେ ଚାଷୀ ମାନଙ୍କୁ ସୂଚନା ଦେଇଥିଲେ ।ସମସ୍ତ ସରକାରୀ ବିଭାଗ,ବ୍ୟାଙ୍କ୍ ଓ ଅଗ୍ରଗାମୀ ସ୍ଵେଚ୍ଛାସେବୀ ସଂଗଠନ କିପରି ମିଳିତ ଭାବେ ERYA ପ୍ରକଳ୍ପ କୁ ସଫଳ କରିପାରିବେ ସେ ନେଇ ଆଲୋଚନା କରାଯାଇଥିଲା ।ଏହି ଉଦଘାଟନ ସଭା ରେ ଅଗ୍ରଗାମୀ ର ଅନ୍ୟାନ୍ୟ କର୍ମଚାରୀ ମାନେ ମଧ୍ୟ ଯୋଗ ଦେଇଥିଲେ ।
ଗୋବର୍ଦ୍ଧନ ସାହୁ , ତେନ୍ତୁଳିଖୁଣ୍ଟି
