ନର୍ଲା (ମ.ନି.ସ) ନର୍ଲା ବ୍ଳକ ତିତକେଲା ଗ୍ରାମରେ ୬୭ତମ ଶ୍ରୀରାମ ଲୀଲା ଉତ୍ସବ ଅନୁଷ୍ଠିତ ହେଉଛି। ଶ୍ରୀ ସୀତାପତି କଳା ସାଂସ୍କୃତିକ ଅନୁଷ୍ଠାନର କଳାକାରଙ୍କ ଦ୍ବାରା ପରିବେଷିତ ଆକର୍ଷଣୀୟ ଶ୍ରୀରାମ ଲୀଲା ନାଟକ ଦର୍ଶକଙ୍କ ନିକଟରେ ବେଶ ପ୍ରଶଂସନୀୟ ହେଉଛି। ଗତ ୧୦ ତାରିଖ ଦିନ ଠାରୁ ଆରମ୍ଭ ହୋଇଥିବା ଯାତ୍ରାରେ ୧୭ ତାରିଖ ଦିନ ଲଙ୍କଦେବୀ ମାନସିକଧାରୀଙ୍କ ଗୁହାରି ଶୁଣି ଅଭୟ ପ୍ରଦାନ କରିବେ। ଏଥିରେ ନବମୀ ତିଥିରେ ଶ୍ରୀରାମ ପୂଜାର୍ଚ୍ଚନା କରାଯାଇଥିଲା। କର୍ତ୍ତା ଭାବେ ନରୋତ୍ତମ ବିଶ୍ୱାଳ, ଦେବକୀ ବିଶ୍ୱାଳ ଓ ପୂଜକ ଦନାର୍ଦନ ପାଢ଼ୀ କାର୍ଯ୍ୟ ସମ୍ପାଦନ କରିଥିଲେ। ରାମାୟଣ ପୁରାଣ ପଠନରେ ଶ୍ରୀ ପାଢୀଙ୍କ ସହିତ ପଞ୍ଚାନନ ଗଡତିଆ, ଧ୍ରୁବଚରଣ ବିଶ୍ୱାଳ, ନବୀନ ବିଶ୍ୱାଳ ସହଯୋଗ ପ୍ରଦାନ କରିଥିଲେ। ଶ୍ରୀରାମ ଲୀଲା ନାଟକରେ ରାମ ଚରିତ୍ରରେ ଭୋଲାନାଥ ଗଡତିଆ, ସୀତା, ଲକ୍ଷ୍ମଣ ଓ ରାବଣ ଚରିତ୍ରରେ ଯଥାକ୍ରମେ ଭୂପେନ୍ଦ୍ର ବିଶ୍ୱାଳ, ସୁଦର୍ଶନ ଗଡତିଆ ଓ ସଞ୍ଜୟ ଗହୀର ନିଖୁଣ ଅଭିନୟ କରୁଥିବା ଜଣାଯାଏ।
ପ୍ରଦୀପ କୁମାର ଗଉଡ ନର୍ଲା ମସୀହା ପ୍ରତିନିଧି।
