ପ୍ରେମର ଅନ୍ତଃସ୍ଵର
ପ୍ରେମର ବଦଳେ ପ୍ରେମ ଖୋଜ ନାହିଁ
କର ନାହିଁ ବନ୍ଧୁ ଆଶା,
ଆଶା କରିଥିଲେ ବେଦନା ମିଳିବ
ହୋଇବ ତୁମେ ନିରାଶା l
ପ୍ରେମର ଭାଷାକୁ କିଏ ବା ବୁଝଇ
ପ୍ରେମ କରନ୍ତି ସଭିଏଁ,
ପ୍ରେମର ବଦଳେ ପ୍ରେମ ଖୋଜୁଥାନ୍ତି
ପ୍ରେମକୁ ପାଇବା ଯାଏଁ l
ପ୍ରେମ ନୁହେଁ ଏକ ଛଳନା ସମ୍ପର୍କ
ପ୍ରେମ ପବିତ୍ର ବନ୍ଧନ,
ଆଶା କରି ପ୍ରେମ କର ନାହିଁ ବନ୍ଧୁ
ଲୁହ ଢାଳି ଯିବ ଦିନ l
ତନ ଦେଖି ଭଲ ପାଏ କିଏ ଏଠି
କିଏ ପାଏ ଦେଖି ଧନ ,
ପ୍ରେମ ର ଭାଷାକୁ ଜାଣିପାରନ୍ତିନି
ଦେଇଥାନ୍ତି ସିଏ ମନ l
ଦୁଇ ଦିନ ଏଠି ଭଲପାଇବାଟା
ରହୁ ନାହିଁ ବେଶି ଦିନ,
ମନର ବଦଳେ ବୁହୁ କିଛି ଖୋଜି
ଭାଙ୍ଗି ଯାଉଛି ବନ୍ଧନ l
ନିକିତା ସେନାପତି
କୋଣାର୍କ, ପୁରୀ
