ବେକରେ ଗାମୁଛା ବାନ୍ଧି ଯୁବକର ଆତ୍ମହତ୍ୟା
ଡାବୁଗାଁ, ୨୦/୧୨(ମ.ନି.ସ.)- ନବରଙ୍ଗପୁର ଜିଲା ଡାବୁଗାଁ ବ୍ଲକ ଅଧୀନ ମେଦନା ଗ୍ରାମରେ ଜଣେ ଯୁବକ ନିଜ ଗାମୁଛା ବେକରେ ବାନ୍ଧି ଗୁରୁବାର ଆତ୍ମହତ୍ୟା କରିଛି | ସୂଚନାଯୋଗ୍ୟ:- ଡାବୁଗାଁ ବ୍ଲକ ଅଧୀନ ମେଦନା ଗ୍ରାମର ମଙ୍ଗଳୁ କଲାର ଙ୍କ ବଡ ପୁଅ ଥବୀର କଲାର (୩୫) ଜଣେ ମାନସିକ ରୋଗୀ ଥିଲେ | ଗତ ୮ ମାସ ତଳେ ପରିବାର ଲୋକେ ତାଙ୍କୁ ଚିକିତ୍ସା କରିଥିଲେ | ପରେ ସେ ସୁସ୍ଥ ଥିଲେ ପୁଣି କିଛି ଦିନ ହେଲା ଥବୀର ଙ୍କର ଉକ୍ତ ରୋକ ବାହାରିଥିଲା | ଗୁରୁବାର ଦିନ ମଧ୍ୟାନ୍ନ ୧୨ ଘ. ସମୟରେ ଖାଦ୍ୟ ଖାଇ ଘରେ ଥିଲା | ପରେ ଘରୁ ବାହାରି ଯାଇଥିଲା | ଗ୍ରାମ ପାଖ ରେ ଥିବା ନିଜ ଜମିରେ ଏକ କାଜୁ ଗଛରେ ନିଜ ଗାମୁଛା ବେକରେ ବାନ୍ଧି ଆତ୍ମହତ୍ୟା କରିଥିଲା | ପରେ ପରିବାର ଲୋକେ ବିଭିନ୍ନ ସ୍ଥାନରେ ଖୋଜା ଖୋଜି କରି ଦେଖିଥିଲେ ଯେ ଥବୀର ଆତ୍ମହତ୍ୟା କରିଛି | ଏନେଇ ଗୁରୁବାର ସନ୍ଧ୍ୟାରେ ମୃତକର ସାନ ଭାଇ ଧନୁର୍ଜୟ କଲାର ଡାବୁଗାଁ ଥାନାରେ ଏତଲା ଦେଇଥିଲେ | ଉକ୍ତ ଏତଲାକୁ ଭିତ୍ତି କରି ଥାନା ଏଏସଆଇ ଗୋପାଳ କୃଷ୍ଣ ହାଲୱା ଶୁକ୍ରବାର ସକାଳୁ ଘଟଣାସ୍ଥଳରେ ପହଞ୍ଚି ଶବ ଜବତ କରି ପଞ୍ଚନାମା କରି ବ୍ୟବଚ୍ଛେଦ ପାଇଁ ଡାବୁଗାଁ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ପଠାଇ ଥିଲେ | ଶବ ବ୍ୟବଚ୍ଛେଦ ପରେ ପରିବାର ଲୋକ ଙ୍କୁ ହସ୍ତାନ୍ତର କରାଯାଇଛି | ଏନେଇ ଥାନା କେସ ନଂ ୩୭/୨୪ ରେ ଏକ ଅପମୃତ୍ୟୁ ମାମଲା ରୁଜୁ କରାଯାଇଛି |
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
