୪୩ ଟି ଅଭିଯୋଗ ଶୁଣାଣି କଲେ ଜିଲ୍ଲାପାଳ
ନାରାୟଣପାଟଣା,୨୩/୧୨/୨୪,- ନାରାୟଣପାଟଣା ବ୍ଲକ ସଭା ଗୃହରେ କୋରାପୁଟ ଜିଲ୍ଲାପାଳ ଭି କିର୍ତି ୱାସନ ଆଜି ଅଭିଯୋଗ ଶୁଣାଣି କରିଛନ୍ତି। ଜିଲ୍ଲା ର ସମସ୍ତ ବିଭାଗର ଅଧିକାରୀମାନେ ଯୋଗ ଦେଇଥିଲେ । କୋରାପୁଟ ଆରକ୍ଷୀ ଅଧିକ୍ଷକ ରୋହିତ ବର୍ମା ,ଉପଜିଲ୍ଲାପାଳ ବେଣୁଧର ଶବର,ବ୍ଲକ ଅଧ୍ୟକ୍ଷ ଗୋଲାଦି ତ୍ରୀନାଥ, ଜିଲ୍ଲା ଚିକିତ୍ସାଅଧିକାରୀ ଙ୍କ ଉପସ୍ଥିତିରେ ଏହି ଅଭିଯୋଗ ଶୁଣାଣୀ ହୋଇଥିଲା। ଉପାଧକ୍ଷା ଶ୍ରୀମତି ରିନୁ ଦାସ ଓ ବିଭିନ୍ନ ବିଭାଗର ଅଧିକାରୀମାନେ ଉପସ୍ଥିତ ଥିଲେ । ରାସ୍ତା ପାନୀୟ ଜଳର ସୁବ୍ୟବସ୍ଥା,ଷ୍ଟ୍ରିଟ୍ ଲାଇଟ୍ ,ଚେକ୍ ଡ଼୍ୟାମ , ମଣ୍ଡି ରେ ଧାନ ବିକ୍ରି ପାଇଁ ଚାଷୀ ଙ୍କ ପାଇଁ ବ୍ୟବସ୍ଥା ପରି ଅଭିଯୋଗ ଆସିଥିଲା । ଜଗନ୍ନାଥ ମନ୍ଦିର କାମ ଆଗେଇବା ରେ ବିଳମ୍ବ ନେଇ ଜିଲ୍ଲାପାଳଙ୍କୁ ମନ୍ଦିର ପରିଚାଳନା କମିଟି ଓ ସ୍ଥାନୀୟ ବାସିନ୍ଦା ଜିଲ୍ଲାପାଳ ଙ୍କୁ ହସ୍ତକ୍ଷେପ କୁ ଦାବୀ କରିବାସହ କିପରି ମନ୍ଦିର ତୁରନ୍ତ ନିର୍ମାଣ ଆରମ୍ବ ହେବ ସେ ନେଇ ଅନୁରୋଧ କରିଥିଲେ । ଯଥା ଶୀଘ୍ର ଯଦି ମନ୍ଦିର କାମ ନହୁଏ ତାହେଲେ ୪ କୋଟି ଟଙ୍କା ଫେରିଯିବ ବୋଲି ଜିଲ୍ଲାପାଳ କହିଥିଲେ । ମନ୍ଦିର ନିର୍ମାଣ ନେଇ ବିଭାଗୀୟ ଅଧିକାରୀ ଓ କମିଟି ମଧ୍ୟରେ ସମନ୍ବୟର ଅଭାବକୁ ନେଇ ଅଭିଯୋଗ ହୋଇଥିଲା । ସୂଚନା ଯୋଗ୍ୟ ଯେ ପ୍ରାୟ ୫୦୦ ବର୍ଷର ଇତିହାସ ଥିବା ଏହି ଜଗନ୍ନାଥ ମନ୍ଦିରର ରହିଛି । ଏହାର ଉନ୍ନତି ସକାଶେ ପୁର୍ବତନ ସରକାର ୪ କୋଟି ଟଙ୍କା ଅନୁଦାନ ଦେଇଥିବା ବେଳେ ବର୍ତ୍ତମାନ ସୁଧା କାମ ଆରମ୍ବ ହୋଇନଥିବା ଯୋଗୁଁ ଜିଲ୍ଲାପାଳ ବିରକ୍ତି ପ୍ରକାଶ କରିଥିଲେ । ଏକ ନୁତନ ପରିଚାଳନା କମିଟି ଗଠନ ପାଇଁ ତହସିଲଦାର ଙ୍କୁ ନିର୍ଦେଶ ଦେଇଥିଲେ ଜିଲ୍ଲାପାଳ।ତୁରନ୍ତ ପରିଚାଳନା କମିଟି ଗଠନ କରି ଗ୍ରାମର ବିଭିନ୍ନ ବର୍ଗର ଲୋକଙ୍କଠୁ ପରାମର୍ଶ ନେଇ ମନ୍ଦିର କାମ ତୁରନ୍ତ କରିବାକୁ ନିର୍ଦ୍ଦେଶ ଦେଇଥିଲେ । ଧାନ ମଣ୍ଡିରେ ଅନେକ ଧାନ ଚାଷୀ ପଞ୍ଜିକରଣ ହୋଇପାରିନଥିବାଯୋଗୁଁ ମଣ୍ଡିରେ ଧାନ ବିକ୍ରି କରିପାରୁନଥିବା ନେଇ ଆଦିବାସୀ ନେତା ନାଚିକା ଲିଙ୍ଗା ଅଭିଯୋଗ କରିଥିଲେ। ଏ ନେଇ ସମସ୍ତ ଧାନ ଚାଷୀ ଯେପରି ମଣ୍ଡିରେ ଧାନ ବିକ୍ରି କରିପାରିବାରୁ ବଞ୍ଜିତ ନହେବେ ସେଥିପାଇଁ ଉପସ୍ଥିତ ବିଭାଗୀୟ ଅଧିକାରୀଙ୍କୁ ଜିଲ୍ଲାପାଳ ନିର୍ଦ୍ଦେଶ ଦେଇଥିଲେ । ଆଦିବାସୀ କୁଇ କୁଲମ ର ସଭାପତି ହବିକା ରବି ଜଣେ ପ୍ରଧାନ ଶିକ୍ଷକ ଙ୍କ ଠିକା କାମ ରେ ସମୟ ଦେଇ ସ୍କୁଲ ନ ଯାଇ ଠିକା କାମ କରୁଥିବା ନେଇ ଅଭିଯୋଗ କରିଥିଲେ। ତୁରନ୍ତ ଜିଲ୍ଲା ଅତିରିକ୍ତ ଶିକ୍ଷା ଅଧିକାରୀ ଙ୍କୁ ତଦନ୍ତ ର ନିର୍ଦେଶ ଦେଇଥିଲେ । ଏହି କାର୍ଯ୍ୟକ୍ରମରେ ଦୁଇଟି ସ୍ବୟଂ ସହାୟକ ଗୋଷ୍ଠୀର ମିହିଳା ମାନଙ୍କୁ ୭ ଲକ୍ଷ ଟଙ୍କାର ଚେକ୍ ପ୍ରଦାନ କରିଥିଲେ । ଏହି ଶୁଣାଣୀରେ ତହସିଲଦାର ଦେବବ୍ରତ ମହାରଣା ,ବିଡିଓ ପିୟୁଷ ଲୁହାର ସମେତ ସମସ୍ତ ବିଭାଗର ଅଧିକାରୀମାନେ ଉପସ୍ଥିତ ଥିଲେ ।
ସଂଜୀବ କୁମାର ବାଙ୍ଗରି
