ଅଗ୍ନିକାଣ୍ଡରେ ଜଳିଲା ଚାରି ଘର ଓ ଦୁଇ ଧାନ ଗଦା
ଆସିକା, ୯/୧/୨୫ // ଧରାକୋଟ ବ୍ଲକ ଅନ୍ତର୍ଗତ ଜଗମୋହନ ପଞ୍ଚାୟତ ର ପୁଟୁ ଗ୍ରାମରେ ଥିବା ଇଲେକ୍ଟ୍ରି ସବ ଷ୍ଟେସନ ନିକଟରେ ଗୁରୁବାର ସକାଳୁ ଅଗ୍ନିକାଣ୍ଡ ଘଟିବା ଫଳରେ ଗ୍ରାମର ଦୁଇ ଜଣ ଗରିବ ଚାଷୀ ବିଷ୍ଣୁ ବେହେରା ଓ ପଞ୍ଚାନନ ବେହେରାଙ୍କ ଧାନ ଗଦା ଜଳିପୋଡ଼ି ସମ୍ପୂର୍ଣ ନଷ୍ଟ ହୋଇଯାଇଛି । ସେହିପରି ବାହାରପୁର ପଞ୍ଚାୟତ ର ର୍ଖାରିପଲି ଗ୍ରାମରେ ବୁଧବାର ବିଳମ୍ବିତ ରାତ୍ରୀରେ ଅଗ୍ନିକାଣ୍ଡ ଘଟି ଗ୍ରାମର ବିଦେଶୀ ବେହେରା,ସତ୍ୟବାଦୀ ବେହେରା, ବାୟାନାଥ ବେହେରା ଓ ଭାସ୍କର ବେହେରା ଙ୍କ ଚାରି ବଖରା ଘର ଜଳି ପୋଡ଼ି ଛାରଖାର ହୋଇଯାଇଛି । ଏହି ଅଗ୍ନିକାଣ୍ଡରେ ତିନୋଟି ବାଇକ ସମେତ ଘରର ଆସବାବ ପତ୍ର ସହ ଲକ୍ଷ୍ୟ ଲକ୍ଷ ଟଙ୍କା ର ଅନ୍ୟାନ୍ୟ ସମ୍ପତି ଜଳିପୋଡି ଯାଇଛି । ଖବର ପାଇ ଧରାକୋଟ ଅଗ୍ନିସେବା ସମ ଅଧିକାରୀ ରୁଦ୍ର ମାଧବ ମାଲିକଙ୍କ ନିର୍ଦ୍ଦେଶ ଅନୁସାରେ ଯୁଗଳ ଦିଗାଲ,ପବିତ୍ର ବେହେରା,ଅରୁଣ ବିନ୍ଧାଣି ଓ ଭୀମ ସେନ ନାୟକ ପ୍ରମୁଖ ସଂପୃକ୍ତ ଗ୍ରାମର ଘଟଣା ସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲେ।
ଆସିକା ରୁ ଶିବ ଶଙ୍କର ମିଶ୍ର ମସୀହା ନ୍ୟୁଜ୍
