ସାଧାରଣ ସେବା ଓ ନାଗରିକ ଅଧିକାର ପତ୍ର ଉପରେ ତାଲିମ
ଡାବୁଗାଁ, ୨୧/୧ (ମ.ନି.ସ.)- ନବରଙ୍ଗପୁର ଜିଲା ଡାବୁଗାଁ ବ୍ଲକ ସମ୍ମିଳନୀ କକ୍ଷଠାରେ ସାଧାରଣ ସେବା ଓ ନାଗରିକ ଅଧିକାର ପତ୍ର ନେଇ ଏକ ତାଲିମ କାର୍ଯ୍ୟକ୍ରମ ମଙ୍ଗଳବାର ପୂର୍ବାହ୍ନ ୧୧ ଘ. ଆରମ୍ଭ ହୋଇ ଅପରାହ୍ନ ୪ ଘ.ରେ ଶେଷ ହୋଇଯାଇଛି | ଓଡିଶା ଜନସେବା ଅଧିକାର ଆଇନ -୨୦୧୨, ସୂଚନା ଅଧିକାର ଆଇନ-୨୦୦୫, ନାଗରିକ 
ଅଧିକାର ପତ୍ର ବିଷୟରେ ତାଲିମ ଦିଆଯାଇଥିଲା | ବ୍ଲକ ସାମାଜିକ ସୁରକ୍ଷା ଅଧିକାରୀ ଯତୀନ ପାଣିଗ୍ରାହୀ, ବ୍ଲକ ମଙ୍ଗଳ ସଂପ୍ରସାରଣ ଅଧିକାରୀ ଆଦିତ୍ୟ ନାରାୟଣ ରଥ, ପଞ୍ଚାୟତ ନିର୍ବାହୀ ଅଧିକାରୀ ଏ.ଡି ପ୍ରସାଦ ଓ ପ୍ରବୀଣ କୁମାର ପଟ୍ଟନାୟକ ପ୍ରମୁଖ ତାଲିମ ଦେଇଥିଲେ | ଏଥିରେ ଆକାଂକ୍ଷା ବ୍ଲକ ସହଭାଗୀ ମୋନାଲ ପରିଡା, ପଞ୍ଚାୟତ ନିର୍ବାହୀ ଅଧିକାରୀ ପର୍ଶୁରାମ ମାଳୀ, ଦିବ୍ୟଶଙ୍କର ପୂଜାରୀ, ରୂପାଲୀ ମଣ୍ଡଳ ଓ କାମିନୀ ହରିଜନ, ପେସା ସଂଯୋଜକ ଶୁଭଶ୍ରୀ ମହାଙ୍କୁଡ, ସମସ୍ତ ସରପଞ୍ଚ, ୪୦ ଜଣ ଅଙ୍ଗନୱାଡି କର୍ମୀ, ଏସିଡିଓ, ୧୨ ଜଣ ଏମବିକେ ଓ ୧୫ ଜଣ ସିଆରପି ଙ୍କ ସମେତ ମୋଟ ୭୦ ଜଣ ତାଲିମ ନେଇଥିଲେ | ଗ୍ରାମ ପଞ୍ଚାୟତ ଉନ୍ନୟନ ଅଧିକାରୀ ପଦ୍ମନାଭ ଭାଲ୍ଲା ପରିଚାଳନା କରିଥିଲେ |
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
