ଆଞ୍ଚଳିକ ବ୍ରାହ୍ମଣ ସମିତିର ଶାଖା କମିଟି ବୈଠକ
ଖଇରା,୨୯/୧/୨୫ – ବାଲେଶ୍ବର ଜିଲ୍ଲା ଖଇରା ବ୍ଲକ ବାଉଁଶଗଡିଆ ପଞ୍ଚାୟତରେ ଆଞ୍ଚଳିକ ବ୍ରାହ୍ମଣ ସମିତି ଖଇରାର ଶାଖା କମିଟି ଗଠନ ନିମନ୍ତେ ବୈଠକ ଅନୁଷ୍ଠିତ ହୋଇଯାଇଛି । ପଞ୍ଚାୟତର ବରିଷ୍ଠ ସଦସ୍ୟ ପଣ୍ଡିତ ନାରାୟଣ ପଣ୍ଡାଙ୍କ ପ୍ରସ୍ତାବ କ୍ରମେ ପଣ୍ଡିତ ରମାକାନ୍ତ ଶତପଥୀ ସଭାପତିତ୍ବ କରିଥିଲେ । ଉକ୍ତ ସଭାରେ ପଞ୍ଚାୟତର ସମସ୍ତ ବ୍ରାହ୍ମଣ ପରିବାର ସଦସ୍ୟ ଓ ପର୍ଯ୍ଯବେକ୍ଷକ ରୂପେ ପଦ୍ମନାଭ ପଣ୍ଡା, ବିଷ୍ଣୁ ବହଳୀ, ଶ୍ଯାମସୁନ୍ଦର ପଣ୍ଡା ଓ ଦୀନବନ୍ଧୁ ପଣ୍ଡା ଯୋଗ ଦେଇଥିଲେ । ଶାଖା କମିଟିର ସଭାପତି ନାରାୟଣ ପଣ୍ଡା, ଉପସଭାପତି ତରଣୀସେନ ପଣ୍ଡା, ସମ୍ପାଦକ ସପନ କୁମାର ପଣ୍ଡା, ସହ ସମ୍ପାଦକ ମାଧବ ଚରଣ ପାଣିଗ୍ରାହୀ, କୋଷାଧ୍ୟକ୍ଷ ମଙ୍ଗଳ ଚରଣ ପଣ୍ଡା, କୋଷ ସମୀକ୍ଷକ ପିତାମ୍ବର ପଣ୍ଡା ପ୍ରମୁଖଙ୍କୁ ମନୋନୀତ କରାଯାଇଥିଲା । ଉପଦେଷ୍ଟା ଭାସ୍କର ଚନ୍ଦ୍ର ପଣ୍ଡା, ମଦନ ମୋହନ ପଣ୍ଡା ଓ ହରେକୃଷ୍ଣ ପଣ୍ଡା ଉପସ୍ଥିତ ଥିଲେ । ଶେଷରେ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ ମଙ୍ଗଳ ଚରଣ ପଣ୍ଡା ଯାହା ଆଞ୍ଚଳିକ ବ୍ରାହ୍ମଣ ସମିତିର ସମ୍ପାଦକ ପଣ୍ଡିତ ରମାକାନ୍ତ ଶତପଥୀ ସୂଚନା ପ୍ରଦାନ କରିଥିଲେ ।।
ବାଲେଶ୍ବରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
