ସହକାରୀ ଶିକ୍ଷକ ସଂଘ (ଏକ୍ସ-କ୍ୟାଡର) ବ୍ଲକ ସଂଘର ଜରୁରୀ ବୈଠକ
ଡାବୁଗାଁ, ୧୫/୨(ମ. ନି. ସ.)- ନବରଙ୍ଗପୁର ଜିଲା ଡାବୁଗାଁ ବ୍ଲକ ସାଦରମାହକୁମାସ୍ଥିତ ଶ୍ରୀ ଜଗନ୍ନାଥ ମନ୍ଦିର ପ୍ରାଙ୍ଗଣରେ ସହକାରୀ ଶିକ୍ଷକ ସଂଘ (ଏକ୍ସ-କ୍ୟାଡର) ବ୍ଲକ ସଂଘର ଏକ ଜରୁରୀ ବୈଠକ ସଂଘ ସଭାପତି ବଲ୍ଲଭନାରାୟଣ ପଣ୍ଡା ଙ୍କ ଅଧ୍ୟକ୍ଷତାରେ ଶନିବାର ଅପରାହ୍ନରେ ଅନୁଷ୍ଠିତ ହୋଇଯାଇଛି | ଉକ୍ତ ବୈଠକରେ ଏକ୍ସ–କ୍ୟାଡର ଶିକ୍ଷକ 
ମାନଙ୍କୁ ଇନକ୍ରୀମେଣ୍ଟ ପାଇବାରୁ ବଞ୍ଚିତ ଏକ୍ସ –କ୍ୟାଡର ଶିକ୍ଷକ ମାନଙ୍କୁ ଆୟକର, ସମ୍ପତ୍ତି ତାଲିକା ପ୍ରଦାନ, ଏକ୍ସ- କ୍ୟାଡର ଶିକ୍ଷକ ମାନଙ୍କ ବିଭିନ୍ନ ସମସ୍ୟା ଓ ସାଙ୍ଗଠନିକ ଏକତା ଉପରେ ଆଲୋଚନା ହୋଇଥିଲା | ଏଥିରେ ସଂଘ ଉପସଭାପତି ନରସିଂ ମାଝି, ସମ୍ପାଦକ ଜିତେନ୍ଦ୍ର କୁମାର ମାଝି, ପ୍ରଦୀପ କୁମାର ପାଢୀ, ଏମ. ଶ୍ରୀନିବାସ ରାଓ, 
ରବୀନ୍ଦ୍ରନାଥ ପ୍ରଧାନ, ନିରାକାର ପ୍ରଧାନ, ଉଦରନ ଭତ୍ରା, ଡମଣା ମେହେରା, ରଞ୍ଜିତ ଗୁପ୍ତା, ମୀନକେତନ ଚମ୍ପତ୍ତିରାୟ ଓ ଦୁର୍ଗା ରଥ ଙ୍କ ସମେତ ସମସ୍ତ ଶିକ୍ଷକ ମାନେ ଉପସ୍ଥିତ ଥିଲେ | ଶେଷରେ ଶ୍ରୀ ଜଗନ୍ନାଥ ମନ୍ଦିର ପରିସର ସଫା କରାଯାଇଥିଲା |
ଡାବୁଗାଁ ରୁ ପ୍ରଜ୍ଞା ରଞ୍ଜନ ପରିଡା ଙ୍କ ରିପୋର୍ଟ
