ଆଦିବାସୀ ମାନଙ୍କୁ ରୋଜଗାର ଯୋଗାଉଛି ପାଚିଲା କେନ୍ଦୁ
ନବରଙ୍ଗପୁର:(୧୯|୩)(ରବି ନାରାୟଣ ମହାନ୍ତି)ନବରଙ୍ଗପୁର ଜିଲ୍ଲା ବଣ ପାହାଡ଼ ଘେରା ପ୍ରକୃତିର ଗନ୍ତାଘର କହିଲେ ଅତ୍ୟୁକ୍ତି ହେବ ନାହିଁ l ଏଇ ବଣ ପାହାଡ଼ ଘେରା ଜଙ୍ଗଲ ଜାତ ଦ୍ରବ୍ୟ ଆଦିବାସୀ ମାନଙ୍କୁ ବିଭିନ୍ନ ରିତୁ ରେ ରୋଜଗାର ଯୋଗାଇ ଆସୁଛି l ଏତଦବ୍ୟତୀତ ଜଙ୍ଗଲ ଦ୍ରବ୍ୟ ବ୍ୟତୀତ ଫଳମୂଳ ଆଦିବାସୀ ମାନେ ସଂଗ୍ରହ କରି ନିଜେ ଖାଇବା ସହ ବଳକା ଫଳମୂଳ ବଜାରରେ ବିକ୍ରି କରି ବେଶ୍ ଦି ପଇସା ରୋଜଗାର କରି ପରିବାର ଚଳାଇ ଥାଆନ୍ତି l ଏବେ ଫାଲଗୁନ ମାସରେ ରିତୁ କାଳୀନ ଫଳ କେନ୍ଦୁ ଆଦିବାସୀ ଓ ବନବାସୀ ମାନଙ୍କୁ ରୋଜଗାର ଯୋଗାଉଛି l ଏଇ ସମୟରେ ପାଚୁ ଥିବା ଗଛର କେନ୍ଦୁ ଆଦିବାସୀ ସମ୍ପ୍ରଦାୟଙ୍କ ମନରେ ଖୁସି ଆଣିଦେଉଛି l ସ୍ଥାନୀୟ ଅଞ୍ଚଳର ଅଧିବାସୀ କହିଛନ୍ତି ଦୁଇ ମାସ ଧରି କେନ୍ଦୁ ଗଛରେ କେନ୍ଦୁ ଫଳୁ ଥିବାରୁ ଦୁଇ ମାସ ରୋଜଗାର ଆମକୁ ଜଙ୍ଗଲର ଗଛ ଯୋଗାଇ ଦେଉଛି l ସକାଳୁ ପିଲା ଠାରୁ ବୁଢା ବୁଢୀ ସମସ୍ତେ ଦଳ ଦଳ ହୋଇ ଟୋକେଇ, ବ୍ୟାଗ୍ ଧରି ଜଙ୍ଗଲ କୁ ଯାଉ ଥିବା ଦେଖିବାକୁ ମିଳୁଛି l ଏବେ ସ୍ଥାନୀୟ ବଜାର, ହାଟରେ କେନ୍ଦୁ ଭାଗ କୋଡ଼ିଏ ଟଙ୍କାରେ ବିକ୍ରି କରାଯାଉଛି l ଗୋଟିଏ ଭାଗରେ ୨୦ ରୁ ୨୫ ଟି କେନ୍ଦୁ ରହୁଛି l ପାଚିଲା କେନ୍ଦୁ ସାଇତି ରଖିବା ପାଇଁ କୌଣସି ସୁବିଧା ନ ଥିବାରୁ ଅନେକ ସମୟରେ ପାଚିଲା କେନ୍ଦୁ ତୋଷାଳୀ ମାନେ କ୍ଷତିରେ ପଡ଼ୁଛନ୍ତି l ବିକ୍ରି କରିବାକୁ ଆଣିଥିବା କେନ୍ଦୁ ବିକ୍ରି ହୋଇ ନ ପାରିଲେ ସେଗୁଡିକ ନଷ୍ଟ ହୋଇ ଯାଉଛି l ଜିଲ୍ଲାର ସମସ୍ତ ବଣ ଜଙ୍ଗଲରେ କେନ୍ଦୁ ଗଛ ରହିଛି l ପୂର୍ବରୁ ବହୁ ଗଛ ରହିଥିବା ବେଳେ ଏବେ ଜଙ୍ଗଲ କ୍ଷୟ ଓ ଜଳବାୟୁ ପରିବର୍ତ୍ତନ ଯୋଗୁଁ ଗଛ ନଷ୍ଟ ହୋଇ ଗଲାଣି l ସୂଚନା ଥାଉକି, କେନ୍ଦୁ ବୁଦାରୁ ତୋଳା ଯାଉଥିବା ପତ୍ରକୁ ବିଡି ପ୍ରସ୍ତୁତ ହେଉଛି l ଏଥିରେ ମଧ୍ୟ ପତ୍ର ତୋଳାରୁ କେନ୍ଦୁପତ୍ର ବିଭାଗକୁ ବିଡା ପିଛା ଟଙ୍କା ରୋଜଗାର କରିବା ସହ ସରକାରୀ ସୁବିଧା ପାଇ ପାରୁଛନ୍ତି l
ସରକାର ମଧ୍ୟ କେନ୍ଦୁପତ୍ର ରୁ ରାଜସ୍ଵ ପାଉଛନ୍ତି l ଅପରପକ୍ଷେ କେନ୍ଦୁ ଭାଲୁ, ବାରହା ଆଦି ବନ୍ୟଜନ୍ତୁଙ୍କର ପ୍ରିୟ ଖାଦ୍ୟ ହୋଇଥିବାରୁ ଅନେକ ସମୟରେ ଲୋକମାନେ ଆକ୍ରମଣର ଶିକାର ହୋଇ ଥାନ୍ତି l ଏହି ସମୟରେ ବନ୍ୟଜନ୍ତୁଙ୍କ ପ୍ରତି ସତର୍କ ରହିବାକୁ ବନବିଭାଗ ତରଫରୁ ସଚେତନ କରାଯାଉଛି l ଯଦିଭାଲୁ ଆକ୍ରମଣରେ ଲୋକେ ମୃତ୍ୟୁ ମୁଖରେ ପଡୁଛନ୍ତି, ସେମାନଙ୍କ ପରିବାରକୁ ସରକାରୀ ସହାୟତା ସରକାର ଯୋଗାଇ ଦେଉଛନ୍ତି l ଦୁର୍ଘଟଣାର ଶିକାର ନ ହେବା ପାଇଁ ସରକାର ଙ୍କ ତରଫରୁ ବ୍ୟାପକ ସଚେତନତା କରାଯାଉଛି l
ନବରଙ୍ଗପୁର ଜିଲ୍ଲାରୁ ରବି ନାରାୟଣ ମହାନ୍ତିଙ୍କ ରିପୋର୍ଟ ମସିହା ନିଉଜ୍
