ରାଧା କୃଷ୍ଣ ଗୋପାଳ ସମାଜ ଚତୁର୍ଥ ବାର୍ଷିକ ଉତ୍ସବ ଓ଼ ଗୀତା ଯଜ୍ଞ ଅନୁଷ୍ଠିତ
କୋଇଡା ୨୨/୦୪/୨୦୨୫ // କୋଇଡା ତେହେରାଇ ଗ୍ରାମ ଠାରେ ଓଁ ଶ୍ରୀ ଶ୍ରୀ ରାଧା କୃଷ୍ଣ ଗୋପାଳ ସମାଜ କୋଇଡା ପକ୍ଷରୁ ଚତୁର୍ଥ ବାର୍ଷିକ ବିଶ୍ୱ ଶାନ୍ତି ଗୀତା ଯଞ ଉତ୍ସବ ଅନୁଷ୍ଠିତ ହୋଇଯାଇଛି । ଉକ୍ତ ଉଦ୍ଘାଟନୀ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଚତୁର୍ଭୁଜ ନନ୍ଦଗୋପାଳ ସମାଜ ସଭାପତି ମିତ୍ରଭାନୁ ମହାକୁଡ , ସମ୍ମାନିତ ଅତିଥି ଭାବେ କୋଇଡା ଗ୍ରାମପଞ୍ଚାୟତ ସରପଞ୍ଚ ହୃଷିକେଶ ଦେହୁରୀ ପ୍ରମୁଖ ଯୋଗଦେଇ ଆରାଧ୍ୟ ଦେବତା ପ୍ରଭୁ ଙ୍କ ନିକଟରେ 
ପ୍ରଦୀପ ପ୍ରଜ୍ୱଳନ କରି ଉତ୍ସବ ର ଶୁଭାରମ୍ଭ କରିଥିଲେ । ତିନି ଦିନ ଧରି ଅନୁଷ୍ଠିତ ହୋଇଥିବା ଏହି କାର୍ଯ୍ୟକ୍ରମ ରେ ତେହେରେଇ ଇନ୍ଦୁପୁର , ରାଣୀଶାଳ, କୁଲା ,କାଦୋଡିହା ଆଦି ଅଞ୍ଚଳରୁ ସଂକୀର୍ତ୍ତନ ଦଳ ଆସି ବିଶ୍ୱଶାନ୍ତି ଗୀତା ଯଞ ଓ ଅହରାତ୍ର ନାମ ସଂକୀର୍ତ୍ତନ କରିଥିଲେ, ଏଥିସହ ରାଜ୍ୟର ସୁନାମ ଶ୍ରୀ ଜଗନ୍ନାଥ ସଂସ୍କୃତି ଗବେଷକ ପ୍ରବଚକ ମନୋଜ ପ୍ରଧାନ ଯୋଗଦେଇ ନିଜ ଆଧ୍ୟାତ୍ମିକ ପ୍ରବଚନରେ ସମସ୍ତଙ୍କୁ ମନ୍ତ୍ରମୁଗ୍ଧ କରିଥିଲେ । ଉଦଯାପନୀ ଉତ୍ସବରେ କେନ୍ଦୁଝର, ଅନୁଗୁଳ, ଦେବଗଡ଼, ସମ୍ବଲପୁର ଜିଲ୍ଲା ମାନଙ୍କରୁ ବହୁ ଗୋପାଳ ସମାଜ ପଦାଧିକାରୀ ଙ୍କ ଉପସ୍ଥିତିରେ କୋଇଡ଼ା ଓଁ ଶ୍ରୀ ଶ୍ରୀ ରାଧା କୃଷ୍ଣ ଗୋପାଳ ସମାଜ ସଭାପତି ମିତ୍ରଭାନୁ ପଲେଇ , ଉପ ସଭାପତି ମୋହନ ମହାକୁଡ , ସାଧାରଣ ସମ୍ପାଦକ ସନ୍ତୋଷ କୁମାର ବାରିକ , ସମ୍ପାଦକ ବାନ୍ଛାନିଧି ଘଣା , କୋଷାଧ୍ୟକ୍ଷ ଆନନ୍ଦ ବାରିକ ,ଅନାଦି ପଲେଇ , ଠୁଳୁ ବାରିକ , କୁମୁଦ ବାରିକ , ସନ୍ତୋଷ ବାରିକ ,ବଲ ବାରିକ , ହୃଷିକେଶ ବାରିକ ବୈରାଗୀ ବାରିକ , ପ୍ରଫୁଲ୍ଲ ବାରିକ ,ପାତୁ ବାରିକ , ଗୋବିନ୍ଦ ପଲେଇ ,ଲକ୍ଷ୍ମୀଧର ବାରିକ ,ଚରଣ ବେହେରା , କାଜଲ ବେହେରା ପ୍ରମୁଖ ଙ୍କ ସମେତ ଗୋପାଳ ସମାଜ ଅନ୍ୟ ସଦସ୍ୟଗଣ ସମସ୍ତ କାର୍ଯ୍ୟକ୍ରମ କୁ ସୁଚାରୁରୂପେ ତୁଲାଇଥିଲେ । ପୁରୀ ରୁ ଆସିଥିବା ଆଚାର୍ଯ୍ୟ ମାନଙ୍କ ମନ୍ତ୍ରଧ୍ୱନୀ ରେ ଗୀତାଯଞ ଅନୁଷ୍ଠିତ ହେବା ସହ ପ୍ରତ୍ୟକ ଦିନ ପାଞ୍ଚ ହଜାର ଶ୍ରଦ୍ଧାଳୁ ମାନଙ୍କ ପାଇଁ ପ୍ରସାଦ ସେବନ ବ୍ୟବସ୍ଥା କରାଯାଇଥିଲା ।
କୋଇଡାରୁ ଅକ୍ଷୟ ବିଶ୍ବାଳ ମସିହା ନିଉଜ
