ବିଷ ଖାଇ ଯୁବକର ଆତ୍ମହତ୍ୟା, ହତ୍ୟା ସନ୍ଦେହ
କାମାକ୍ଷାନଗର (ମନିସ)3/8/25 — କାମାକ୍ଷାନଗର ବ୍ଲକ ତଥା ତୁମୁସିଂହା ଥାନା ଅନ୍ତର୍ଗତ କୋଟଗରା ପଞ୍ଚାୟତର ଗୋଦରିବିଲ ଗ୍ରାମ ନିକଟବର୍ତ୍ତୀ ଏକ କାଜୁ ଜଙ୍ଗଲରେ ଜଣେ ଯୁବକ ବିଷ ଖାଇ ଆତ୍ମହତ୍ୟା କରିଥିବା ବେଳେ ପରିବାର ପକ୍ଷରୁ ଏହା ଏକ ହତ୍ୟା ଘଟଣା ବୋଲି ଅଭିଯୋଗ କରାଯାଇଛି l କୋଟଗରା ଗ୍ରାମର ରଞ୍ଜନ କୁମାର ସାହୁ ପଣ୍ଡୁଆ ଛକଠାରେ ଏକ ଦୋକାନ କରି ନିଜର ଗୁଜୁରାଣ ମେଣ୍ଟାଈ ଆସୁଥିଲେ l ଶନିବାର ଦିନ ସାଢେ ଏଗାର ଟା ଠାରୁ ରଞ୍ଜଙ୍କର କୌଣସି ଖୋଜ ଖବର ମିଳିପାରି ନଥିଲା l ଆଜି ରବିବାର ପୂର୍ବାହ୍ନ ରେ ସନ୍ନିକଟ ଗୋଦରୀବିଲ ଗ୍ରାମ ର କାଜୁ ଜଙ୍ଗଲ ମଧ୍ୟରେ ରଞ୍ଜନ ଙ୍କର ମୃତ ଦେହ ପଡ଼ିଥିବା ର ଖବର ପାଇ ପୁଲିସ ଘଟଣାସ୍ଥଳରେ ପହଞ୍ଚି ମୃତଦେହ ଜବତ ପରେ ବ୍ୟବଛେଦର ବ୍ୟବସ୍ଥା କରିଛି l ରଞ୍ଜନ ବିଷ ଖାଇ ଆତ୍ମହତ୍ୟା କରିଥିବାର ପ୍ରାଥମିକ ତଦନ୍ତ ରୁ ଜଣା ପଡିଥିବାର ପୁଲିସ ସୂତ୍ର ରୁ ଜଣା ପଡ଼ିଥିବା ବେଳେ ପରିବାର ପକ୍ଷରୁ ଏହାକୁ ଏକ ହତ୍ୟା ଘଟଣା ବୋଲି ଅଭିଯୋଗ କରାଯାଇଛି l ତେବେ ବ୍ୟବଛେଦ ରିପୋର୍ଟ ରୁ ଏହାର ସତ୍ୟାସତ୍ୟ ଘଟଣା ପଦାକୁ ଆସିପାରିବ ବୋଲି ଜଣାଯାଇଛି l
ପ୍ରହ୍ଲାଦ ମୁଦୁଲିଙ୍କ ରିପୋର୍ଟ
