କଂଗ୍ରେସରେ ମିଶିଲେ ଶତାଧିକ ଯୁବକ
ନୂଆପଡା,୧୩/୧୦ — ନୂଆପଡା ଏବିଟି ସମ୍ମିଳନୀ କକ୍ଷରେ ସୋମବାର ଜିଲା କଂଗ୍ରେସ କମିଟିର ମିଶ୍ରଣ ପର୍ବ ଅନୁଷ୍ଠିତ ହୋଇ ଯାଇଛି । ପ୍ରଦେଶ କଂଗ୍ରେସ ସଭାପତି ଭକ୍ତ ଚରଣ ଦାସଙ୍କ ଉପସ୍ଥିତିରେ ନୂଆପଡା ସହରର ଶତାଧିକ ଯୁବକ କଂଗ୍ରେସରେ ଯୋଗଦେଇଛନ୍ତି । ଏହି ସମୟରେ ରାଜଗାଙ୍ଗପୁର ବିଧାୟକ ରାଜନ୍ ଏକ୍କା,ନୂଆପଡା ଜିଲ୍ଲା ପର୍ଯ୍ୟବେକ୍ଷକ ମୂରଲୀଧର ନାୟକ,ଗରିବସେନା ଜିଲା ଆବାହକ ରବି ମଙ୍ଗରାଜ,ପବନ ଶର୍ମା,ଜାତୀୟ କଂଗ୍ରେସ ମୁଖପାତ୍ର ହମିତ୍ ହୁସେନ ପ୍ରମୁଖ ଉପସ୍ଥିତି ଥିଲେ । ବିଜେଡି ଓ ବିଜେପି ପ୍ରାର୍ଥୀ ଦେଇ ପାରୁ ନାହିଁ । ସେମାନଙ୍କୁ ପ୍ରାର୍ଥୀ ମିଲୁ ନାହିଁ । ନିର୍ବାଚନର ବିଜୟୀ ହେବ କଣ । ଚଳିତ ଉପ ନିର୍ବାଚନର ଜାତୀୟ କଂଗ୍ରେସ ପ୍ରାର୍ଥୀ ଘାସିରାମ ମାଝି ବିଜୟୀ ହୋଇ ବିଧାନ ସଭାକୁ ଯିବେ ବୋଲି ପିସିସି ସଭାପତି ଦାସ କହିଛନ୍ତି ।
ନୂଆପଡା ରୁ ସୁଜିତ କୁମାର ପ୍ରଧାନ ଙ୍କ ରିପୋର୍ଟ
