ଅବହେଳିତ ଅବସ୍ଥାରେ ପାଲା କଳାକାର
ଢେ଼ଙ୍କାନାଳ (ମନିସ)29/10/25 — ପାଲା ସଂସ୍କୃତିକୁ ବଞ୍ଚାଇବାକୁ ଯାଇ ଅବହେଳିତ ଅବସ୍ଥାରେ ପାଲା କଳାକାର । ଦିନ ଥିଲା ପାଲା ସାଜିଥିଲା । ଓଡ଼ିଆ ଲୋକଙ୍କର ପ୍ରମୁଖ ମନୋରଞ୍ଜନର ମାଧ୍ୟମ । ଗାଁ ଠୁ ସହର ସବୁଠି ହେଉଥିଲା ପାଲା । ଓଡ଼ିଶାର ଐତିହ,ପରମ୍ପରା,ଲୋକକଥା ଓ ବିଭିନ୍ନ ପୌରାଣିକ ବିଷୟବସ୍ତୁକୁ ନେଇ ପରିବେଷଣ ହେଉଥିଲା ପାଲା । ହେଲେ ଆଧୁନିକ ଯୁଗରେ ଧୀରେ ଧୀରେ ଲୋପ ପାଇବାକୁ ବସିଲାଣି ପାଲା ସଂସ୍କୃତି । ପାଲା ଗାୟକମାନେ ମଧ୍ୟ କଳାରୁ ବିମୁଖ ହେଲେଣୀ । ହେଲେ ଢେ଼ଙ୍କାନାଳ ଜିଲ୍ଲାର ବିଭିନ୍ନ ବ୍ଲକର ଏବଂ ଗାଁର କଳାକାରମାନେ ପାଲାକୁ ବଞ୍ଚାଇ ରଖିବା ପାଇଁ କରୁଛନ୍ତି ଅହରହ ସଂଗ୍ରାମ । ଅଧିକ ସମସ୍ୟା ମଧ୍ୟରେ ଅଭାବ ଅନଟନରେ ସେମାନଙ୍କର ବିତୁଛି ଜୀବନ । ସରକାରୀ ସହାୟତା ଅପେକ୍ଷାରେ । ଆର୍ଥିକ ସମସ୍ୟା ମଧ୍ୟରେ ଦୀର୍ଘ ତିରିଶ ବର୍ଷରୁ ଉର୍ଦ୍ଧ୍ଵ ସମୟ ଧରି କରି ଆସୁଛନ୍ତି ପାଲା ପରିବେଷଣ । ଆଗାମୀ ଦିନରେ ସରକାରଙ୍କ ପକ୍ଷରୁ ଯଦି ପାଲା ଓ ପାଲା କଳାକାର ମାନଙ୍କ ପାଇଁ କିଛି ବ୍ୟବସ୍ଥା କରା ନ ଯାଏ ତାହେଲେ ପାଲା ଯୁଗର ଅବସାନ ଘଟିବା ସୁନିଶ୍ଚିତ । ଏଥିପାଇଁ ସରକାରଙ୍କ ତରଫରୁ ପାଲା କଳାକାର ମାନଙ୍କୁ କୌଣସି ସରକାରୀ ସହାୟତା କିମ୍ବା ପ୍ରୋତ୍ସାହନ ଯୋଗାଇ ଦିଆଗଲେ ପାଲା ସଂସ୍କୃତି ବଞ୍ଚି ରହିବା ସହିତ ପାଲା କଳାକାରମାନେ ନିଜେ ଏବଂ ପରିବାର ସହିତ ହସଖୁସିରେ ପ୍ରତିପୋଷଣ କରିପାରିବେ ଏଇ ପାଲା କଳାକାରମାନେ । ହେଲେ ଆଗାମୀ ଦିନରେ ଦେଖିବାକୁ ବାକି ରହିଲା। ସରକାର କଣ ସାହାଯ୍ୟ କରୁଛି ଏହି ପାଲା କଳାକାରମାନଙ୍କୁ ।
ପ୍ରହ୍ଲାଦ ମୁଦୁଲିଙ୍କ ରିପୋର୍ଟ
