ବିଜାତଳା ବିଡ଼ିଓଙ୍କ ନାଁରେ ସମିତି ସଭ୍ୟାଙ୍କ ଥାନାରେ ଅଭିଯୋଗ ପୋଲିସ ତଦନ୍ତ ଚାଲିଛି; ବିଡ଼ିଓ ଷ୍ଟେସନରେ ନାହାନ୍ତି
ମୟୂରଭଂଜ -୫/୧୧ — ରାଇରଙ୍ଗପୁର ଗ୍ରାମାଞ୍ଚଳ ଥାନାରେ ବିଡ଼ିଓଙ୍କ ବିରୋଧରେ ଜଣେ ସମିତିସଭ୍ୟା ଦୁର୍ବ୍ୟବହାର କରିଥିବା ଅଭିଯୋଗ ଆଣିଛନ୍ତି l ଗତ ୩ ତାରିଖ ସୋମବାର ଦିନ ଵିଜାତଳା ବିଡ଼ିଓ ବଂଶୀଧର ଖୋସଲା ଲୁହାଶିଳା ପଂଚାୟତର ସମିତି ସଭ୍ୟା ସୁକୁରମଣି ମାର୍ଣ୍ଡି ଙ୍କୁ ଦୁର୍ବ୍ୟବହାର କରିଥିବା ନେଇ ରାଇରଙ୍ଗପୁର ଗ୍ରାମାଞ୍ଚଳ ଥାନାରେ ଲିଖିତ ଅଭିଯୋଗ କରାଯାଇଛି l ଲୁହାଶିଳା ସମିତି ସଭ୍ୟା ତାଙ୍କରି ଅଭିଯୋଗରେ ଦର୍ଶାଇଛନ୍ତି ତା.୩/୧୧/୨୫ ଦିନ ବିଡ଼ିଓ ବଂଶୀଧର ଖୋସଲା ପାଖକୁ ଯାଇଥିଲେ l ତାଙ୍କ ସହିତ ନିଜ ପିତା ଦୁଲାରାମ ମାର୍ଣ୍ଡି ଏବଂ ଭଳଭଦ୍ର ମଣ୍ଡଳ ଉପସ୍ଥିତ ଥିଲେ l ପ୍ରଧାନମନ୍ତ୍ରୀ ଆବାସ ଯୋଜନା ଏବଂ ପଂଚାୟତର ଉନ୍ନତିମୂଳକ କାର୍ଯ୍ୟ ସଂପର୍କ ବିଷୟରେରେ ବିଡ଼ିଓଙ୍କୁ ପଚାରିବାରୁ ବିଡ଼ିଓ ତାଙ୍କୁ ଏ ବିଷୟରେ ସରୋଜ ମହାନ୍ତ ଏବଂ ସୁପାଇ ଟୁଡୁ ସହିତ ବୁଝାମଣା କରି କାମ କର l ଏହାପରେ ବିଡ଼ିଓ ଏବଂ ସମିତି ସଭ୍ୟା ସହିତ କଥା କଟା କଟି ହେଲା l ବିଜାତଳା ବିଡ଼ିଓ କହିଲେ କୌଣସି କାମ ବିଷୟରେ ମୋତେ ପଚାରିବୁ ନାହିଁ l ଆଦିବାସୀ ଝିଅ ବହୁତ ଦେଖାଇ ହେଉଛୁ l ସମିତି ସଭ୍ୟା ପଦ ରୁ ଇସ୍ତଫା ଦେଇଦେ l ମୋତେ କିଛି କରିପାରୁବୁନାହିଁ l ସମସ୍ତେ ମୋ ନିଜ ଲୋକ ଅଭିଯୋଗ କଲେ କିଛି ପାଇବୁ ନାହିଁ l ଏହି ବିଷୟରେ ଲୁହାଶିଳା ପଂଚାୟତ ର ସମିତି ସଭ୍ୟା ରାଇରଙ୍ଗପୁର ଗ୍ରାମଞ୍ଚଳ ଥାନା ରେ ଅଭିଯୋଗ କରିଛନ୍ତି lଥାନା ଅଧିକାରିଣୀ କହିଲେ ତଦନ୍ତ ପରେ ମାମଲା ରୁଜୁ ହେବ l ଆସନ୍ତା କାଲି ସମିତି ସଭ୍ୟା ରାଇରଙ୍ଗପୁର ଉପ ଜିଲ୍ଲାପାଳ ଙ୍କୁ ଭେଟି ଦାବି ପତ୍ର ଦେବେ ବୋଲି ସୂଚନା ଦେଇଛନ୍ତି lବିଡିଓଙ୍କ ସହଯୋଗାଯୋଗ କଲେ ସେ ଷ୍ଟେସନରେ ନାହାନ୍ତି ।
ମୟୂରଭଂଜ ରୁ ଅକ୍ଷୟ ଵିଶ୍ବାଳ ମସିହା ନିଉଜ
