ବିଶ୍ଵ ହୋମିଓପ୍ୟାଥିକ ଦିବସ ପାଳନ
ଡାବୁଗାଁ, ୧୦/୪ (ମ.ନି.ସ.)- ନଵରଙ୍ଗପୁର ଜିଲା କୋଷାଗୁମୁଡା ବ୍ଲକ ଅଧୀନ ବଡଗୁମୁଡା ଗ୍ରାମରେ ଥିବା ସରକାରୀ ହୋମିଓପ୍ୟାଥିକ ଚିକିତ୍ସାଳୟ ଠାରେ ବିଶ୍ଵ ହୋମିଓପ୍ୟାଥିକ ଦିବସ ଶୁକ୍ରବାର ପାଳିତ ହୋଇଯାଇଛି | ଚିକିତ୍ସାଳୟ ର ଚିକିତ୍ସାଧିକାରୀ ଡା. ସୁଜ୍ଞାନୀ ମଞ୍ଜରୀ ଦେବୀ ପ୍ରଥମେ ହୋମିଓପ୍ୟାଥିକ ଜନକ ଡା. ସାମୁଏଲ ହାହେନମନ ଙ୍କ ଫଟୋଚିତ୍ରରେ ପୁଷ୍ପମଲ୍ୟା ଅର୍ପଣ କରି କାର୍ଯ୍ୟକ୍ରମ ଆରମ୍ଭ କରିଥିଲେ | ଏଥିରେ ଉପସ୍ଥିତ ଜନସାଧାରଣଙ୍କୁ ନିରାପଦ ଓ ସାମଗ୍ରିକ ଚିକିତ୍ସା ପଦ୍ଧତି ଉପରେ ଅବଗତ କରଯାଇଥିଲା | ଏଥିରେ ମହିଳା, ବୃଦ୍ଧା, ବୃଦ୍ଧ ଓ ଶିଶୁ ଙ୍କୁ ନେଇ ମୋଟ ୫୦ ଜଣ ରୋଗୀ ଙ୍କୁ ଚିକତ୍ସା କରାଯାଇ ଔଷଧ ବଣ୍ଟନ କରାଯାଇଥିଲା | ଏଥିରେ ଚିକିତ୍ସାଳୟର କର୍ମଚାରୀ ଓ ଆଶା କର୍ମୀ ମାନେ ସହଯୋଗ କରିଥିଲେ |
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
