ଡାବୁଗାଁ ଥାନାରେ ଯୋଗ ଦେଲେ ମହିଳା ଥାନା ଅଧିକାରୀ:ତାଙ୍କ ଯୋଗ ଦାନରେ ଖେଳି ଯାଇଛି ଖୁସିର ଜୁଆର
ନବରଙ୍ଗପୁର:(୧୨|୫)(ରବି ନାରାୟଣ ମହାନ୍ତି) ନବରଙ୍ଗପୁର ଜିଲ୍ଲା ଡାବୁଗାଁ ଥାନାରେ ନୂତନ ଥାନା ଅଧିକାରୀ ଭାବେ ମହିଳା ଥାନା ଅଧିକାରୀ ଶ୍ରୀମତୀ ଲଛମି ପରଜା ଯୋଗ ଦାନ କରି ଉକ୍ତ ପଦବୀକୁ ପୂରଣ କରିଛନ୍ତି l ଏହା ପୂର୍ବରୁ ଥାନା ଅଧିକାରୀ ଭାବେ ରଘୁନାଥ ମାଝୀ ଯୋଗ ଦାନ କରିଥିଲେ l ଥାନା ହାଜତରେ ଅଭିଯୁକ୍ତ ଆତ୍ମ ହତ୍ୟା ଘଟଣାରେ ଶ୍ରୀଯୁକ୍ତ ମାଝୀ ଙ୍କୁ ସସପେଣ୍ଡ କରାଯାଇ କୋରାପୁଟ ଡି ଆଇ ଜି ଙ୍କ କାର୍ଯ୍ୟାଳୟରେ ଶୃଙ୍ଖଳାଗତ କାର୍ଯ୍ୟାନୁଷ୍ଠାନ ପର୍ଯ୍ୟନ୍ତ ସେଠାରେ ଅବସ୍ଥାପିତ କରାଯାଇଛି l ଏହି ପଦବୀ ଖାଲି ହୋଇଥିବା ବେଳେ ଉକ୍ତ ମହିଳା ଥାନା ଅଧିକାରୀଙ୍କୁ ଡାବୁଗାଁ ଥାନାରେ ଦାୟିତ୍ଵ ଜିଲ୍ଲା ଆରକ୍ଷୀ ଅଧିକ୍ଷକଙ୍କ କାର୍ଯ୍ୟାଳୟର ନିର୍ଦ୍ଦେଶରେ ଡାବୁଗାଁରେ ଯୋଗଦାନ କରିଛନ୍ତି l ଆଜି ସମସ୍ତ ଅଧିକାରୀ, କର୍ମଚାରୀ ମାନଙ୍କୁ ଡ଼ାକି ଏକ ସମ୍ମିଳନୀ କରାଇ ସମସ୍ତଙ୍କ ସହଯୋଗ କାମନା କରି ଥାନା କାର୍ଯ୍ୟ ଆଗେଇ ନେବାକୁ ସମସ୍ତଙ୍କୁ ପରାମର୍ଶ ଦେଇଥିଲେ l ସମସ୍ତଙ୍କ ସହଯୋଗରେ କାମ କରିବା ସହଜ ହୋଇ ପାରିବ l ଆଜି ଡାବୁଗାଁ ପ୍ରେସ କ୍ଲବର ସମସ୍ତ କର୍ମକର୍ତ୍ତା ଥାନା ଅଧିକାରୀଙ୍କୁ ସାକ୍ଷାତ କରିଥିଲେ ଓ ସମସ୍ତ କାର୍ଯ୍ୟରେ ସହଯୋଗ କାମନା କରିଥିଲେ l ତାଙ୍କ ଯୋଗଦାନରେ ଅଧିକାରୀ,କର୍ମଚାରୀ ମହାଲାରେ ଖୁସିର ଜୁଆର ଖେଳିଯାଇଛି l
ନବରଙ୍ଗପୁର ଜିଲ୍ଲାରୁ ରବି ନାରାୟଣ ମହାନ୍ତିଙ୍କ ରିପୋର୍ଟ ମସିହା ନିଉଜ୍
