୩୬ ଦିନରେ ପ୍ରାଥମିକ ଶିକ୍ଷକ ମହାସଂଘ , ଓଡ଼ିଶା ଷ୍ଟିଅରିଂ କମିଟିର ଗଣଧାରଣା
ଦୁଇଟି ମୁଖ୍ୟ ଦାବୀ : ୧. ମୂଳ ଗ୍ରେଡ ପେ’ ୪୨୦୦ କୁ ବୃଦ୍ଧି / ୨. ୬ ବର୍ଷର ଠିକା କାର୍ଯ୍ୟକାଳକୁ ମୂଳ ଚାକିରିରେ ଗଣନା ସହିତ ୬ ଟି ନୋସନାଲ ଇଂକ୍ରିମେଣ୍ଟ ପ୍ରଦାନ
ଭୁବନେଶ୍ୱର : ଅଦ୍ୟ ତା ୧୩ ମେ’ (ଗୁରୁବାର) ପ୍ରାଥମିକ ଶିକ୍ଷକ ମହାସଂଘ, ଓଡ଼ିଶାର ଆବାହକ ରାମଲାଲ ପଟେଲଙ୍କ ନେତୃତ୍ୱରେ , ଷ୍ଟିଅରିଂ କମିଟି ସଦସ୍ୟ ମାନଙ୍କ ସହିତ ଗଣଧାରଣା ସ୍ଥଳରେ ସୁଦୂର କନ୍ଧମାଳ ଜିଲ୍ଲାର ସମସ୍ତ ୧୨ଟି ଯାକ ବ୍ଲକର ଶିକ୍ଷକ ପ୍ରତିନିଧି ମାନଙ୍କ ସମେତ ପୁରୀ, ଖୋର୍ଦ୍ଧା , ବରଗଡ଼ , ରାୟଗଡ଼ା , ସୁନ୍ଦରଗଡ଼, ବଲାଙ୍ଗୀର, ଭଦ୍ରକ, କଟକ ଆଦି ଜିଲ୍ଲାର ଶିକ୍ଷକ ନେତୃତ୍ୱ ମାନେ ମଧ୍ୟ ଯୋଗ ଦେଇ ପ୍ରାଥମିକ ଶିକ୍ଷକ ମାନଙ୍କର ଦୁଇ ଦଫା ଦାବୀକୁ ତୁରନ୍ତ ସରକାର ପୂରଣ କରିବାକୁ ଦୃଢ ମତ ପ୍ରଦାନ ଦେଇଛନ୍ତି । ଯଥାଶୀଘ୍ର ରାଜ୍ୟ ସରକାର ଦାବୀ ପୂରଣ ନ କଲେ ଏହି ଗଣଧାରଣାକୁ ଗତ ଡିସେମ୍ବର ଆନ୍ଦୋଳନ ଭଳି ପୁଣି ଏକ ବିଶାଳ ଆନ୍ଦୋଳନ କରିବାକୁ ଆହ୍ଵାନ ଦେଇଥିଲେ ।
ଲିପିକା ରାଣୀ ରାଉତ ଙ୍କ ରିପୋର୍ଟ୍
