ପେଟରେ ବଢୁଛି ଟ୍ୟୁମର, ଯନ୍ତ୍ରଣାରେ ଛଟପଟ ୧୨ ବର୍ଷର ବାଳିକା: ଚିକିତ୍ସା ପାଇଁ ଅର୍ଥ ସାଜିଛି ବାଧକ
ନବରଙ୍ଗପୁର:(୧୩|୫)(ରବି ନାରାୟଣ ମହାନ୍ତି)ନଵରଙ୍ଗପୁର ଜିଲ୍ଲାର ନନ୍ଦାହାଣ୍ଡି ସଦର ବ୍ଳକ ପଡ଼ାଳଗୁଡା ପଞ୍ଚାୟତରେ ଦିବ୍ୟାଙ୍ଗ ଡମୁ ବିଶୋୟୀଙ୍କ ଘର l ତାଙ୍କର ଜନ୍ମରୁ ଦିବ୍ୟାଙ୍ଗ ଝିଅ ରାଜେଶ୍ୱରୀର ପେଟରେ ବଢୁଛି ଟ୍ୟୁମର, ରାତ୍ରିରେ ହେଉଛି ଅସହ୍ଯ ଯନ୍ତ୍ରଣା l ଗରିବ ପରିବାରର ଡମୁଙ୍କ ସ୍ତ୍ରୀ ଏକମାତ୍ର କୁଲି ମଜୁରି କରି ପାଞ୍ଚ ଜଣ ପରିବାର ପ୍ରତିପୋଷଣ କରିବା ପାଇଁ ସମର୍ଥ l ପରିବାର ପ୍ରତିପୋଷଣ କରିବା କୁଲି ମଜୁରି ଟଙ୍କାରେ କଷ୍ଟକର ହେଉଥିବା ବେଳେ ଝିଅର ଚିକିତ୍ସା କରାଇବା ଆହୁରି କଷ୍ଟକର ହୋଇପଡ଼ିଛି l ତେବେ ୧୨ ବର୍ଷର ଝିଅକୁ ଗତ ମାର୍ଚ୍ଚ ୨୭ ତାରିଖରେ ପେଟ ବଥା ହେବାରୁ ନବରଙ୍ଗପୁର ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିଲେ l ଅଲଟ୍ରା ସାଉଣ୍ଡ କରିବା ପରେ ଜଣା ପଡ଼ିଥିଲା ପେଟରେ ଟ୍ୟୁମର ବଢୁଛି ବୋଲି l କୋରାପୁଟ ବଡ ମେଡିକାଲ କୁ ଯିବାକୁ ଡାକ୍ତରମାନେ ପରାମର୍ଶ ଦେଇଥିଲେ l ଅର୍ଥାଭାବ ଯୋଗୁଁ ଝିଅକୁ ବଡ ମେଡିକାଲ ନେଇ ଚିକିତ୍ସା କରିବା ସମ୍ଭବ ହୋଇ ପାରୁନି l ଅର୍ଥାଭାବ ଯୋଗୁଁ ରାଜେଶ୍ୱରୀର ଚିକିତ୍ସା ପାଇଁ ଜିଲ୍ଲା ପ୍ରଶାସନ, ବଦାନ୍ୟ ବ୍ୟକ୍ତି ଓ ବିଭିନ୍ନ ସ୍ୱେଚ୍ଛାସେବୀ ସଂଗଠନକୁ ଦିବ୍ୟାଙ୍ଗ ବାପା ଡମୁ ବିଶୋୟୀ (୪୫)ଆକୁଳ ନିବେଦନ କରିଛନ୍ତି l ବିଶେଷକରି ରାତ୍ରି ସମୟରେ ପେଟର ଯନ୍ତ୍ରଣା ବଢି ଯାଉଥିବାରୁ ଅଧିକ କଷ୍ଟ ପାଉଥିବା ବାପା ଡମୁ କହିଛନ୍ତି l ଗରିବ ପରିବାରର ପାଇଁ ଝିଅର ଚିକିତ୍ସା ବର୍ତ୍ତମାନ ସବୁଠୁଁ ଚିନ୍ତାର ବିଷୟ ପଲଟିଛି l ଗୋଟିଏ ପଟେ ଦିବ୍ୟାଙ୍ଗ ସ୍ଵାମୀ ଅନ୍ୟପଟେ ଦିବ୍ୟାଙ୍ଗ ଝିଅର ଗୁରୁତ୍ତର ରୋଗ l ଏହି ଦୁଃଖ ଭିତରେ ପରିବାର ଅସହାୟ ହୋଇ ପଡିଛି l ଜିଲ୍ଲା ପ୍ରଶାସନ ଓ ଜିଲ୍ଲା ସ୍ୱାସ୍ଥ୍ୟ ବିଭାଗ ଏଭଳି ଗରିବ ଅସହାୟ ଦିବ୍ୟାଙ୍ଗ ଝିଅର ଚିକିତ୍ସା ପାଇଁ ସହାୟତାର ହାତ ବଢ଼ାଇଲେ ସେହି ଝିଅ ଠିକ୍ ହୋଇ ପାରିବ ବୋଲି ଦିବ୍ୟାଙ୍ଗ ବାପା ଡମୁ କୋହଭରା କଣ୍ଠରେ କହିଛନ୍ତି l ଦିବ୍ୟାଙ୍ଗ ରାଜେଶ୍ୱରୀଙ୍କ ଉତ୍ତମ ଚିକିତ୍ସା ପାଇଁ ସହଯୋଗ କରିବାକୁ ପରିବାର, ପରିଜନଙ୍କ ସମେତ ଗ୍ରାମବାସୀ ନିବେଦନ କରିଛନ୍ତି l
ନବରଙ୍ଗପୁର ଜିଲ୍ଲାରୁ ରବି ନାରାୟଣ ମହାନ୍ତିଙ୍କ ରିପୋର୍ଟ ମସିହା ନିଉଜ୍
