ଧରାକୋଟ ବ୍ଲକ ଠିକାଦାର ସଂଘ ବୈଠକ
ଆସିକା, ୧୮/୫/୨୬ (ଶିବ ଶଙ୍କର ମିଶ୍ର ) ଧରାକୋଟ ବ୍ଲକର ଠିକାଦାର ସଂଘ ର ଏକ ଜରୁରୀ ବୈଠକ ନିକଟସ୍ଥ ମୁକ୍ତେଶ୍ଵର ପୀଠରେ ଅନୁଷ୍ଠିତ ହୋଇଯାଇଛି। ବରିଷ୍ଠ ସଦସ୍ୟ ଦେବରାଜ ଭୂୟାଁ ଙ୍କ ସଭାପତିତ୍ବରେ ଆୟୋଜିତ ଏହି ବୈଠକରେ ସାଙ୍ଗଠନିକ ଆଲୋଚନା ନୂତନ କର୍ମକର୍ତ୍ତା ଚୟନ କରାଯାଇଥିଲା । ଏଥିରେ ଏକ ଦଶ ଜଣିଆ କମିଟି ଗଠନ କରାଯାଇଥିଲା । ସଭାପତି ଭାବରେ ଦେବରାଜ ଭୂୟାଁ, ଉପ ସଭାପତି ଭାବରେ ସୁଶାନ୍ତ ପଟନାୟକ( ପିଣ୍ଟୁ),ସମ୍ପାଦକ ଭାବରେ ସୁଦାମ ଗୌଡ଼,କୋଷଧ୍ୟକ୍ଷ ଭାବେ ପବିତ୍ର ମୁନି,ସଦସ୍ୟ ଭାବରେ ସଞ୍ଜୟ ରେଡ୍ଡୀ,ଯୋଗେନ୍ଦ୍ର ନାଥ ଗୌଡ଼,ସୁଶାନ୍ତ ମହାପାତ୍ର, କୁମର ଗୌଡ,କୃଷ୍ଣ ପ୍ରସାଦ ସ୍ୱାଇଁ ଓ ଶିବରାମ ସୁଆର ଙ୍କୁ ମନୋନୀତ କରାଯାଇଥିଲା । ଆଜିର ବୈଠକ ରେ ବ୍ଲକ ଠିକାଦାର ସଂଘର ରେଜିଷ୍ଟ୍ରେସନ କରିବା,ବ୍ଲକ ସ୍ତରର ସମସ୍ତ ଅନ ଲାଇନ ଟେଣ୍ଡର କୁ ସେଡୁଲ ରେଟ ରେ ପକାଇବା,କୌଣସି ଏସ ସି ଓ ଏସ ଟି ଠିକାଦାର ଦଶ ପ୍ରତିଶତ ସୁବିଧା ନନେବା,ନିଷ୍ପତ୍ତିର ଅବମାନନା କଲେ ସଙ୍ଘ ପକ୍ଷରୁ ଯେଉଁ ଦୃଷ୍ଟାନ୍ତ ମୂଳକ କାର୍ଯ୍ୟନୁଷ୍ଠାନ ନିଆଯିବ ତାହାକୁ ଗ୍ରହଣ କରିବାକୁ ନିଷ୍ପତ୍ତି ନିଆଯାଇଥିଲା । ଶେଷରେ ପବିତ୍ର ମୋହନ ବିଷୋୟୀ ଧନ୍ୟବାଦ ଅର୍ପଣ କରିଥିଲେ।
