ପ୍ରଧାନ ଶିକ୍ଷକ ଙ୍କୁ ଅଵସର କାଳୀନ ସମ୍ବର୍ଦ୍ଧନା
ଆସିକା, ୧୪/୭/୨୬ (ଶିବ ଶଙ୍କର ମିଶ୍ର ) ଗଞ୍ଜାମ ଜିଲ୍ଲା ଧରାକୋଟ ବ୍ଲକ ଅନ୍ତର୍ଗତ ବାହାରପୁର କ୍ଲଷ୍ଟର ର ସରପଡ଼ା ପ୍ରାଥମିକ ବିଦ୍ୟାଳୟରୁ ସଂପ୍ରତି ଅବସର ଗ୍ରହଣ କରିଥିବା ପ୍ରଧାନଶିକ୍ଷକ ଶ୍ରୀ ପ୍ରମୋଦ କୁମାର ପାଢ଼ୀ ଙ୍କୁ ବାହାରପୁର ସି. ଆର୍.ସି.ସି କାର୍ଯ୍ୟାଳୟରେ ଅବସରକାଳୀନ ସମ୍ବର୍ଦ୍ଧନା ପ୍ରଦାନ କରାଯାଇଛି । ଏହି ଅବସରରେ ଆୟୋଜିତ କାର୍ଯ୍ୟକ୍ରମରେ କ୍ଲଷ୍ଟର ର ସମସ୍ତ ଶିକ୍ଷକ ଶିକ୍ଷୟିତ୍ରୀ ଉପସ୍ଥିତ ରହି ବିଦାୟୀ ଶିକ୍ଷକଙ୍କ ଗୁଣାତ୍ମକ ଶିକ୍ଷାଦାନ,ମେଳାପି, ସରାଳତା, ସହଭାଗିତା, ସମୟାନୁବର୍ତ୍ତିତା,ନିର୍ଭୀକତା, ଛାତ୍ର ବତ୍ସଳ ଆଦି ସୁଗୁଣ ଗାନ କରିବା ସହିତ ବିଦାୟୀ ଶିକ୍ଷକ ଶ୍ରୀ ପାଢ଼ୀ ଙ୍କୁ ପ୍ରଶଂସା ପତ୍ର ଓ ଉପଢୌକନ ପ୍ରଦାନ କରାଯାଇଥିଲା । ଶ୍ରୀ ପାଢ଼ୀ ତାଙ୍କ ଉଦବୋଧନରେ ସମସ୍ତଙ୍କୁ ଅନେକ ଶୁଭାଶୀର୍ବଚନ ପ୍ରଦାନ କରିଥିଲେ । ଏହି କାର୍ଯ୍ୟକ୍ରମ ରେ ବିଦାୟୀ ଶିକ୍ଷକଙ୍କ ସମେତ ବାହାରପୁର ସି.ଆର୍.ସି.ସି ଶ୍ରୀ ଅଜିତ କୁମାର ସାହୁ ଓ ଓଳମ୍ବା ପ୍ରକଳ୍ପ ଉଚ୍ଚ ପ୍ରାଥମିକ ବିଦ୍ୟାଳୟର ପ୍ରଧାନଶିକ୍ଷକ ଶ୍ରୀ ପ୍ରଦୀପ କୁମାର ବେହେରା ମଞ୍ଚାସୀନ ହୋଇଥିବା ବେଳେ କ୍ଲଷ୍ଟର ର ସମସ୍ତ ଶିକ୍ଷକ ଶିକ୍ଷୟିତ୍ରୀ ସହଯୋଗ କରିଥିଲେ ।
