ସ୍ବର୍ଗତ ସାହିତ୍ୟିକ ରଘୁବର ଧଳଙ୍କ ମରଶରୀରରେ ଇସ୍ପାତ୍ ସାହିତ୍ୟ ସଂସଦ ତରଫରୁ ଶ୍ରଦ୍ଧାଞ୍ଜଳି ଜ୍ଞାପନ
ରାଉରକେଲା: ଅଗ୍ରଣୀ ସାହିତ୍ୟ ଅନୁଷ୍ଠାନ ଇସ୍ପାତ୍ ସାହିତ୍ୟ ସଂସଦର ପ୍ରାକ୍ତନ କାର୍ଯ୍ୟକାରୀ ସଭାପତି, ସାଧାରଣ ସମ୍ପାଦକ, ସଭାପତି ତଥା ପ୍ରତିଷ୍ଠାତା ସଦସ୍ୟ କବି ରଘୁବର ଧଳଙ୍କ ବିୟୋଗରେ ଗଭୀର ଶୋକ ପ୍ରକାଶ କରାଯାଇଛି। ସ୍ବର୍ଗତ ଧଳଙ୍କ ମର ଶରୀର ଇସ୍ପାତ୍ ସାହିତ୍ୟ ସଂସଦ କାର୍ଯ୍ୟାଳୟରେ ପହଞ୍ଚିବା ପରେ ସଂସଦର ବହୁ କର୍ମକର୍ତ୍ତା, ସାହିତ୍ୟିକ ଓ ବିଭିନ୍ନ ଅନୁଷ୍ଠାନର କର୍ମକର୍ତ୍ତା ଉପସ୍ଥିତ ରହି ପୁଷ୍ପମାଲ୍ୟ ପ୍ରଦାନ ପୂର୍ବକ ଶ୍ରଦ୍ଧାଞ୍ଜଳି ଜ୍ଞାପନ କରିଥିଲେ। ସାହିତ୍ୟ ସଂସଦର ସଭାପତି ନୃସିଂହ ଚରଣ ବିଶ୍ଵାଳ , ସାଧାରଣ ସମ୍ପାଦକ ମନୋଜ କୁମାର ନନ୍ଦ, ଉପଦେଷ୍ଟା ତ୍ରିଲୋଚନ ମଥାନ, ବ୍ରଜେନ୍ଦ୍ର ଦାସ, ହର ମୋହନ ମିଶ୍ର,ସ୍ତବକ ମୁଖ୍ୟ ସମ୍ପାଦକ ତଥା ଶିକ୍ଷାବିତ୍ ପ୍ରଶାନ୍ତ କୁମାର ପତି, ଗୀତିକବି ସମାଜ ସଭାପତି ତାରିଣୀ ଚରଣ ସାହୁ, ଗୋପବନ୍ଧୁ ପାଠାଗାର କୋଷାଧ୍ୟକ୍ଷ ଲକ୍ଷ୍ମଣ ନାଥ ଦାସ, ବାସନ୍ତୀ ପାଠାଗାର ର ସାଧାରଣ ସମ୍ପାଦକ ବିକ୍ରମ ଆଚାର୍ଯ୍ଯ, ବିଷ୍ଣୁପ୍ରିୟା ମହାପାତ୍ର,ମଞ୍ଜୁଳା କୁମାରୀ ରଥ, ସୁସ୍ମିତା ମହାପାତ୍ର,କୁଞ୍ଜ ବିହାରୀ ରାଉତ, ଉପେନ୍ଦ୍ର ବସ୍ତିଆ, ଗୌତମ ଦାସ,ଗଙ୍ଗାଧର ପୁହାଣ, ଖଗେନ୍ଦ୍ର ବେହେରା,ଦିବାକର ଦାସ, ପ୍ରକାଶ ଚନ୍ଦ୍ର ସେଠୀ, କିଶୋରୀ ମୋହନ କର ପ୍ରମୁଖ ବହୁ ସାହିତ୍ୟିକ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ।
କୁଞ୍ଜ ବିହାରି ରାଉତ ଙ୍କ ରିପୋର୍ଟ୍
