ମଙ୍ଗଳବାର ଛତ୍ରପୁର ପନିପରିବା ମାର୍କେଟ ବନ୍ଦ : ପୌରପରିଷଦ ବିରୁଦ୍ଧରେ ଉଠାଦୋକାନୀ ସଂଘର ଡକରା
ଛତ୍ରପୁର ୨୪/୦୮ ଆସନ୍ତାକାଲି ମଙ୍ଗଳବାର ଛତ୍ରପୁର ସହରର ସମସ୍ତ ପନିପରିବା ଦୋକାନ ବନ୍ଦ ନିମନ୍ତେ ଛତ୍ରପୁର ଉଠାଦୋକାନୀ ସଂଘ ପକ୍ଷରୁ ଦୋକାନୀମାନଙ୍କ ସମସ୍ଯା ପୌର ପରିଷଦ କର୍ତ୍ତୃପକ୍ଷ ସମାଧାନ କରିବା ନିମନ୍ତେ ବନ୍ଦ ଡକରା ଦେଲେ ପୂର୍ବତନ ବିଧାୟକ ଏନ୍ ନାରାୟଣ ରେଡି ।
କିଛିଦିନ ଧରି ଉଠାଦୋକାନୀ ସଂଘ ଓ ପୌର ପରିଷଦ କର୍ତ୍ତୃପକ୍ଷ ମଧ୍ଯରେ ତିକ୍ତତା ବଢିବାରଲାଗିଛି । ଏବଂ ସମସ୍ୟାର ସମାଧାନ ନହେଇପାରିବାରୁ ମଙ୍ଗଳବାର ଛତ୍ରପୁର ମାର୍କେଟର ଉଠାଦୋକାନୀ ସଂଘ ପକ୍ଷରୁ ପନିପରିବା ମାର୍କେଟ ସଂପୂର୍ଣ୍ଣ ବନ୍ଦ ସହ ଗଣଧାରଣ ହେବା ପାଇଁ ନିଷ୍ପତ୍ତି ହୋଇଥିବା ସାମ୍ବାଦିକ ସମ୍ମିଳନୀରେ ଜଣାଇଛନ୍ତି ।
ସଂଘର ଦାବିଗୁଡିକ ହେଲା ଯେ , ସଂଧା ପର୍ଯ୍ୟନ୍ତ ଦୋକାନ ଖୋଲୁଥିବା ଦୋକାନୀମାନଙ୍କୁ ନୁତନ ଭାବେ ଲୋଟରୀ କରି ପିଣ୍ଡି ଆବଣ୍ଟନ କରାଯାଉ । ଆବଦ୍ଧିତ ଟିଣ ଗୁଡିକୁ ପାର୍ଶ୍ବରୁ କାଢି ଉପରେ ପକାଯାଉ । ଆଲୋକୀକରଣ ବ୍ୟବସ୍ଥା । ଶୌଚାଳୟକୁ କାର୍ଯ୍ୟକ୍ଷମ। ପାନୀୟଜଳ। ଓ ଦୋକାନୀମାନଙ୍କୁ କର୍ତ୍ତୃପକ୍ଷଙ୍କ ପକ୍ଷରୁ ଉଚିତ ବ୍ୟବହାର ଏବଂ ଆଇନଗତ ଟାଉନ ଭେଣ୍ଡିଂ ଜୋନ କମିଟିକୁ ତୁରନ୍ତ କର୍ଯ୍ୟକ୍ଷମ ଆଦି ଦାବି ପୁରଣ ନିମନ୍ତେ ସଂଘର କାର୍ଯ୍ଯକାରୀ ସଭାପତି ଇଜୁ ଆମିନ ଖାନ, ଆଡଭୋକେଟ ବୁଶି ରେଡି , କୋଷାଧ୍ୟକ୍ଷ ଏନ୍ ନାଗା ରେଡି ପ୍ରମୁଖ ସାମ୍ବାଦିକ ସମ୍ମିଳନୀରେ ବିଷୋଦଗାର ବଖାଣିଛନ୍ତି ।
