ଜଣାଣ
ମାନଗୋବିନ୍ଦ ସ୍ବାଇଁ
ବଡ଼ଦାଣ୍ଡ ହାଟ ଭକତ ଗହଳି
ବଜାର ଭକ୍ତି ସଉଦା
କିଏ କେତେ ଜନ କିଣି ନେଇ ଗଲେ
ଚନ୍ଦନ ଧୂପ ପାଦୁକା।
ଫୁଲର ଗଜରା ପଡ଼ିଥିଲା ମାଳା
ଶ୍ରଦ୍ଧା ପାଇ ନେଲି କିଣି
ପ୍ରଭୁଙ୍କ ଗଳାରେ ପକାଇ କହିବି
ସଂସାର ଦୁଃଖ କାହାଣୀ।
ବଡ଼ଦାଣ୍ଡ ହାଟ ଭିଡ଼ ଲାଗିଅଛି
ଉଛୁଳି ପଡୁଛି ଦାଣ୍ଡ
ହରି ବୋଲ ଧ୍ବନି କଂପିତ ହେଉଛି
ଆପେ ନଇଁ ଯାଇ ମୁଣ୍ଡ।
ରଥରେ ନଡ଼ିଆ ଭଙ୍ଗା ଯାଉ ଅଛି
ମନ୍ତ୍ର ଉଚ୍ଚାରଣ ପାଠ
ଡାହୁକ ଡାକରେ ରଥ ଘିଡିଘିଡି
ଭକ୍ତ ଚାଲେ ପ୍ରଭୁ ବାଟ।
ବଡ଼ଦାଣ୍ଡ ଧୂଳି ଚନ୍ଦନ ମହକ
ସୁବାସିତ ବଡ଼ଦାଣ୍ଡ
ବାସନା ତାହାର ପବିତ୍ର କରୁଛି
ଭକ୍ତି ରେ ଭକତ ମୁଣ୍ଡ।
ଗୋଜାବନ୍ଧ ମହାକାଳପଡ଼ା
କେନ୍ଦ୍ରାପଡ଼ା
