ଠାକୁର
କୁହ ହେ ଠାକୁର କାହିଁ ପାଇଁ ଏତେ
ନିଷ୍ଠୁର ତୁ ହୋଇଗଲୁ
ସବୁ କଷ୍ଟ ସହି ନିଜକୁ ନିଜେତ
ପାଷାଣ ଟେ କରିଦେଲୁ
କୁହ ହେ ଠାକୁର……………୧
କେଉଁ ଅପରାଧ କରିଥିଲି କାଳେ
କେବେ ତୁ କହିଲୁ ନାହିଁ
ଅପରାଧ କହି ଦଣ୍ଡ ଦେଇଥିଲେ
ଦୁଃଖ ମୋ ହୁଅନ୍ତା ନାହିଁ
ଆଶ୍ରା କରିଥିଲି ଜୀବନରେ ଖାଲି
ନିରାଶ୍ରୟ କରିଦେଲୁ
କୁହ ହେ ଠାକୁର……………୨
ଭାବିନେଲୁ ବୋଧେ ମନର ଭିତରେ
ମଉନ ରହିବୁ ଏକା
କହିବୁନି କିଛି ଶୁଣିବୁନି କିଛି
ନଦେବୁ ସହଜେ ଦେଖା
ସବୁ ସମ୍ପର୍କ କୁ କାଟି ଦେଇ ନିଜେ
ନିରଵରେ ରହି ଗଲୁ
କୁହ ହେ ଠାକୁର କାହିଁ ପାଇଁ ଏତେ
ନିଷ୍ଠୁର ତୁ ହୋଇଗଲୁ…………..୩
ସତ୍ୟରଞ୍ଜନ ସ୍ୱାଇଁ
ଅବଦଲପୁର, ଯାଜପୁର
