କେସିଙ୍ଗା – ଆଜି ଅପରାହ୍ନ ୪ ଟା ବେଳେ ପ୍ରବଳ ବର୍ଷା ପବନ ସହ ଘଡଘଡି ଓ କୁଆପଥର ମାଡ ଯୋଗୁଁ କେସିଙ୍ଗା ବ୍ଲକ ଅଞ୍ଚଳରେ ବ୍ୟାପକ କ୍ଷୟକ୍ଷତି ଘଟିଛି। ମିଳିଥିବା ସୂଚନା ଅନୁସାରେ କାଳ ବୈଶାଖୀ ପବନ ହେବା ଫଳରେ ଗୈାଡତୁଲା – ଗୁର୍ଜିମୁଣ୍ଡା ରାସ୍ତାର ଅନେକ ସ୍ଥାନରେ ବହୁ ବଡ଼ ବଡ଼ ଗଛ ଉପୁଡି ଯାଇଛି। ଫଳରେ ଗମନାଗମନରେ ବାଧା ସୃଷ୍ଟି ହୋଇଛି। ଏନେଇ ସ୍ଥାନୀୟ ଲୋକେ ଅଗ୍ନିଶମ ବିଭାଗକୁ ଖବର ଦେବା ପରେ ବିଭାଗୀୟ କର୍ମଚାରୀ ଘଟଣାସ୍ଥଳକୁ ଯାଇ ଗଛ କାଟି ରାସ୍ତା ସଫା କରିବା ପାଇଁ ଉଦ୍ୟମ ଜାରି ରଖିଛନ୍ତି। ବିଭାଗୀୟ ସୂତ୍ରରୁ ପ୍ରକାଶ ଯେ ଏହି ରାସ୍ତା ଉପରେ ୧୦ ଟିରୁ ଉର୍ଦ୍ଧ୍ବ ଗଛ ଉପୁଡି ଯାଇଥିବାରୁ ଗମନାଗମନରେ ସ୍ବାଭାବିକ ହେବାରେ ବିଳମ୍ୱ ହୋଇପାରେ। ତେବେ ଅନ୍ୟ ସ୍ଥାନରେ କୈାଣସି କ୍ଷୟକ୍ଷତି ହୋଇଥିବାର ଖବର ମିଳିନଥିବା ନେଇ ତହସିଲଦାର ଓ ବିଡ଼ିଓ ସୂଚନା ଦେଇଛନ୍ତି।
କେସିଙ୍ଗା ରୁ ଚନ୍ଦ୍ରମଣି ସ୍ବାଇଁ ଙ୍କ ରିପୋର୍ଟ।
