ସକାଳ ଜଣାଣ
ହେ କଳା ଗୋସାଇଁ ଆସିଛି ମୁଁ ଧାଇଁ
ଦେଖିବାକୁ କଳା ରୂପ,
ଦୟାକର ବାରେ ଦେଖାଦିଅ ଥରେ
ତୁମେ ମୋ ଭାବର ସ୍ତୁପ।
ଭାଗ୍ୟ କଳାକାର ଭାଗ୍ୟ ଲେଖନୀକୁ
ଧରି ତୁମ ନିଜ ହାତେ,
ଭାଗ୍ୟ କାଳୀ ଧରି ଅଙ୍କିଦେଲ ପ୍ରଭୁ
ଭାଗ୍ୟର ଅଙ୍କନ ଯେତେ।
ଆଣିନି ତୁଳସୀ ଆଣିନି ଦୟଣା
ଲୁହରେ ଚନ୍ଦନ ଘୋରି,
ଭକ୍ତି ଫୁଲ ହାର ଗୁନ୍ଥି ମୁଁ ଆଣିଛି
ଘେନ ହେ ବିଶ୍ଵ ବିହାରୀ।
ମନ ଅଗଣାରେ ନବ ବୃନ୍ଦାବନ
ଗଢ଼ିଛି ତୁମରି ପାଇଁ,
ତୁମରି ଛନ୍ଦରେ ଛନ୍ଦି ହେବା ପାଇଁ
କେବେଠୁ ରହିଛି ଚାହିଁ।
କେତେ ଆଉ ନବ ମୋଠାରୁ ପରୀକ୍ଷା
ସହିବାକୁ ଧୈର୍ଯ୍ୟ ନାହିଁ,
ଭକ୍ତି ପଣ ତୁମ ଦେଖାଇ ଦିଅହେ
ଅପେକ୍ଷାରେ ଅଛି ରହି।
ଶୁଭଶ୍ରୀ ପ୍ରଧାନ
କୋଣାର୍କ , ପୁରୀ
