କଳିଆ ଲୋକଙ୍କୁ ଦୂରୁ ଜୁହାର
ନିରୁପମାପାଣି
କଳିଆ ଲୋକଙ୍କୁ ଦୂରୁ ଜୁହାର ଲୋ
ପାଦରେ ମୁଣ୍ଡିଆ ତାଙ୍କ
ପରଦୋଷଦେଇ ଦିନ ସାରୁଥିବେ
ମିଛେ ହେଇ ସକ ସକ!!
ଅନ୍ୟ ର ଗୁଣକୁ ତର୍ଜମା କରିବେ
ନିଜ ଦୋଷ ଦେଖିବେନି!!
ଡରେଇ ହୁଲେଇ କାମ ଉଠେଇବେ
ବିଶ୍ୱାସ ତାଙ୍କୁ କରନି!!
କାହା ସୁଖ ଶିରୀ ଆଖିରେ ଯିବନି
ଯେତେ କଳି ହୁଡିଙ୍କର
ରାଉ ରାଉ ହୋଇ ଦେଖେଇବେ ଭାଉ
ଜିତିବା ନିଶା ତାଙ୍କର!!
କେହି ନମିଳିଲେ କଳି କରିବାକୁ
ଗୋଡ ହାତ କଚାଡିବେ
ବାସନ କୁସନ ଫୋପାଡି ଛିଞ୍ଚାଡି
କାହା ସହ ଲଗାଇବେ!!
ଧୀର ସ୍ଥିର କେହି ଯଦି ବସିରହେ
ବସାଇ ଦେବେନି ସେହି
ଚୁନା କରିଦେବେ ସୁନା ଘରଟାକୁ
ନିଜର ଫାଇଦା ପାଇଁ!!
ନିଜ ପେଟ ପାଟି ନିଜେ ପୁରାଇବେ
ଦେଖିବେନି କାହା ସ୍ୱାର୍ଥ
ଏମିତି କଳିଆ ଥିବେ ଯାହାଘରେ
ଜୀବନ ତାହାର ବ୍ୟର୍ଥ!!
ସରଳ ଲୋକଙ୍କ ଲାଗି କାଳ ଏହି
ଅଭୀନେତା କଳିହୁଡି
ସୁଖିଲା ଯାଗାରେ ବୁଡାଇ ମାରିବେ
ନିଜ ସୀମା ଯାଇ ହୁଡି!!
ଚାନ୍ଦବାଲି , ଭଦ୍ରକ୍
