ବାଲେଶ୍ଵର,୦୪/୧୦/୨୨- ବଜ୍ରପାତରେ ଗଲା ଜୀବନ । ଏମିତି ଏକ ଘଟଣା ଘଟିଛି ଖଇରା ଥାନା ନୟାଖଣ୍ଡି ପଞ୍ଚାୟତ କଳଖୁଣ୍ଟା ଗାଁରେ । ଆଜି(୦୪/୧୦/୨୨) ଦିନ ପ୍ରାୟ ୧୨ ଘଟିକା ସମୟରେ ବିବେକାନନ୍ଦ ଖୁଣ୍ଟିଆ ପାଖ ବିଲକୁ ଯାଇଥିଲେ । ସେହି ସମୟରେ ହଠାତ୍ ବଜ୍ରପାତ ହୋଇଥିଲା । ସେହି ବଜ୍ରପାତରେ ଶ୍ରୀ ଖୁଣ୍ଟିଆ ସେଠାରେ ଟଳି ପଡିଥିଲେ । ତାଙ୍କର ଶରୀର ପୋଡିଯାଇଥିବା ଦେଖାଯାଇଛି । ସଙ୍ଗେ ସଙ୍ଗେ ପରିବାର ଲୋକେ ଘଟଣା ସ୍ଥଳରୁ ଉଦ୍ଧାର କରି ଚିକିତ୍ସା ନିମନ୍ତେ ନିକଟସ୍ଥ ଖଇରା ମେଡ଼ିକାଲକୁ ନେଇଥିଲେ । ହେଲେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ମୃତ ଶ୍ରୀ ଖୁଣ୍ଟିଆଙ୍କ ବୟସ ପ୍ରାୟ ୪୦ ବର୍ଷରୁ ଉର୍ଦ୍ଧ୍ବ ହେବ । ଘରେ ତାଙ୍କର ବିଧବା ପତ୍ନୀ ଅଛନ୍ତି । ହଠାତ୍ ଏଭଳି ଦୁଃଖଦ ଘଟଣା ସମୃକ୍ତ ଅଞ୍ଚଳରେ ଶୋକରଛାୟା ଖେଳାଇ ଦେଇଛି । ଖବରପାଇ ଖଇରା ପୋଲିସ ମେଡିକାଲରେ ପହଞ୍ଚି ମୃତଦେହ ଜବତ କରି ତଦନ୍ତ ଆରମ୍ଭ କରିଛି । ଏବଂ ଜବଦ ମୃତଦେହକୁ ବ୍ଯବଛେଦ ନିମନ୍ତେ ପଠାଇବାର ବ୍ଯବସ୍ଥା କରିଛି ପୋଲିସ । ରିପୋର୍ଟ ଲେଖା ହେବା ପର୍ଯ୍ୟନ୍ତ ଏଭଳି ଘଟଣା ଜିଲ୍ଲାରେ କେଉଁଠି ଘଟିଥିବାର ନଜରକୁ ଆସିନାହିଁ ।।
ବାଲେଶ୍ଵରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ