କୋଟି ଯୁହାରେ
ଉପେନ୍ଦ୍ର କୁମାର ବସ୍ତିଆ
ମଙ୍ଗଳ ଆଳତୀ କରେ ଧରି
ଭକ୍ତିର ସଳୀତା ଜାଳି ଜାଳି
କିଛି ଲୁହରେ କିଛି କୋହରେ
ଚକାଡୋଳା ••••
ତୁମ ପାଦେ କୋଟି ଜୁହାରେ।
ଭକ୍ତ ପ୍ରହଲ୍ଲାଦ ଜୀବନ ରଖିଲ
ହିରଣ୍ୟର ଛାତି ବିଦାରି
ଗଜ ଉଦ୍ଧାରିଲ କୋଟିବସ୍ତ୍ର ଦେଲ
ଶୁଣି ଦ୍ରୌପଦୀର ଗୁହାରୀ
ଶବରୀ ଅଇଁଠା ସୁଦାମାର ଖୁଦ
ଭୁଂଜିଥିଲ ଆନନ୍ଦରେ
ନାହିଁ କଣ ତୁମ ମୋଠାରେ ଆଦର
ପ୍ରତୀକ୍ଷାରେ ଦିନ ସରେ
ଚକାଡୋଳା ••••
ତୁମ ପାଦେ କୋଟି ଜୁହାରେ ।
ସାଲବେଗ ଲାଗି ଅଟକିଲା ରଥ
ମାଣିକର ଦହି ଖାଇ
ଦାସିଆ ନଡ଼ିଆ ହାତୁ ତୋଳିନେଲ
ହରିଦାସେ କଲ ବାଇ
କଳା ପାହାଡ଼ର ଗର୍ବ ଭାଙ୍ଗି ଦେଲ
ଭକତର ହିତ ପାଇଁ
ଭରିଦିଅ ପ୍ରଭୁ ତୁମରି ଆଶିଷ
ଏ ମୋ ଫଟା କପାଳରେ
ଚକାଡୋଳା ••••
ତୁମ ପାଦେ କୋଟି ଜୁହାରେ।
ରାଉରକେଲା
