ଜଣାଣ
ମାନଗୋବିନ୍ଦ ସ୍ବାଇଁ
ଜୟ ଜଗନ୍ନାଥ ଭକ୍ତ ଦିଅ ଶକ୍ତି
ବିଶ୍ବ ଜନ ରହୁ ଶାନ୍ତି
ପ୍ରଭୁଙ୍କ କାମନା ଦୂରେ ଯା ଯନ୍ତ୍ରଣା
ସଭିଙ୍କୁ ମିଳୁ ମୁକତି।
ଏଇ ଶୁଭ ପଦ ସଭିଙ୍କୁ ସଂପଦ
ଭକ୍ତି ଭାବ ହୃଦେ ଥାଉ
ସଭିଙ୍କ ମଙ୍ଗଳ ପ୍ରଭୁ ଦେ ଆଶିଷ
ଭକ୍ତ ଜନ ମହାବାହୁ।
ଆଶିର୍ବାଦ ଦିଅ ଭଲ ପଥ କୁହ
ଜଗତ ହେଉ ଉଦ୍ଧାର
ଏମିତି ବିପଦ ବିଶ୍ବ ଗତି କରେ
ରକ୍ଷାର ତୁମେ ଠାକୁର ।
ଈଶ୍ୱର ବିଶ୍ବାସ ସଭିଙ୍କ ଭିତରେ
ଭରି ଦିଅ ହୃଦେ ପ୍ରଭୁ
ରାଗ ହିଂସା ଛାଡ଼ୁ ଭକ୍ତି ଭାବ ବଢୁ
ମନ୍ତ୍ର ଜପ ଥିବେ ସବୁ।
ଭଜନ ଜଣାଣ ଶୁଣି ଦେଲେ ଥରେ
ହୃଦୟ ହୁଏ ପବିତ୍ର
ଯୁଆଡ଼େ ଯାଉଛି ପ୍ରଭୁ ନାମ ଜପ
ପରିଷ୍କାର ଦିଶେ ନେତ୍ର।
ଗୋଜାବନ୍ଧ ମହାକାଳପଡ଼ା
କେନ୍ଦ୍ରାପଡ଼ା
