ବାଲେଶ୍ଵର,୦୫/୭/୨୨- ସୁନ୍ଦର ମୋ ଭାଷା ସାହିତ୍ୟ ଜମ୍ଭରା କେନ୍ଦୁଝରର ୮୧ ତମ ଅନନ୍ୟା ଅଡିଓ କବିତା ଆସର ମହା ସମାରୋହରେ ଉଦଯାପିତ ହୋଇଯାଇଛି । ଅନୁଷ୍ଠାନ ପ୍ରାଣପ୍ରତିଷ୍ଠାତା ନାରାୟଣ ଚନ୍ଦ୍ର ସେନାପତିଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ଆସର କାର୍ଯ୍ୟକ୍ରମରେ ମିଳନୀ ସାହିତ୍ୟ ସଂସଦର ସଭାପତି ରସରାଜ ଦେବାଶିଷ ଚକ୍ରବର୍ତ୍ତୀ ମୁଖ୍ୟ ଅତିଥି ଭାବେ ଆସୀନ ଥିବାବେଳେ ସୁସାମ୍ବାଦିକ ସୁସାହିତ୍ତୀକ ପ୍ରଭଞ୍ଜନ ତ୍ରିପାଠୀ ଓ ମାନବବାଦୀ ବ୍ୟକ୍ତିତ୍ୱ ଡ଼ଃ ନୀଳାଦ୍ରୀ ଜଗଦେଵ ସମ୍ମାନିତ ଅତିଥି ଆସନ ଅଳଙ୍କୃତ କରିଥିଲେ ।
ସୁନାମଧନ୍ୟ ଅନନ୍ୟା ପ୍ରତିଭା ପ୍ରଫୁଲ୍ଲ କୁମାର ହୋତା ଉଦ୍ଘାଟନ କରିଥିବା ବେଳେ ସୁଶ୍ରୀ ଆରାଧ୍ୟଙ୍କ ଶୁଭ ଶଙ୍ଖଧ୍ୱନି ଆସରକୁ ଆହ୍ୱାନ କରିଥିଲା । ଶ୍ରଦ୍ଧେୟ ଗୀତିକାର ଅଂଶୁମାନଙ୍କ ଆଧ୍ୟାତ୍ମିକ ପରିଚାଳନାରେ ଭକ୍ତି ନୈବେଦ୍ୟର କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । କଣ୍ଠଶିଳ୍ପୀ ପ୍ରତାପ କିଶୋର ରାଉତଙ୍କ ଭକ୍ତି ଭଜନର ତାଳେ ତାଳେ ଅଙ୍କିତା ପ୍ରିୟଦର୍ଶିନୀ, ଅଙ୍କିତା ଦାଶ, ମାନସୀ ପାତ୍ର ଆଦି କଣ୍ଠଶିଳ୍ପୀ ମାନେ ଜଗନ୍ନାଥଙ୍କୁ ହୃଦୟରୁ ଭକ୍ତି ଅର୍ଘ୍ୟ ଭଜନ ମାଧ୍ୟମରେ ଅର୍ପଣ କରିଥିଲେ । ସମ୍ପାଦକ ଶ୍ରୀ ସେନାପତିଙ୍କ ସଂଯୋଜନାରେ ପରିଚାଳିତ ଆସରରେ ସୁ କଣ୍ଠଶିଳ୍ପୀ ମାନସୀ ବେହୁରା, ଶକୁନ୍ତଳା ମିଶ୍ର, ତୃପ୍ତିରାଣୀ ପାତ୍ର ସମେତ ୨୫ଜଣ ପ୍ରତିଭା ତାଙ୍କର ସୁନ୍ଦର ଛନ୍ଦ କବିତା ଓ ମୁକ୍ତ ଛନ୍ଦର ରସବୋଧ ଆବୃତ୍ତି କରିଥିଲେ । ମୁଖ୍ୟ ଅତିଥୀଙ୍କର ମାର୍ଗଦର୍ଶନ ପ୍ରେରଣାଦାୟକ ଥିଲା । ହାସ୍ୟମୟୀ ରାଜ, ସ୍ୱପ୍ନା ମହାନ୍ତି, ଉମାକାନ୍ତ ଦାସଙ୍କ ନିରୀକ୍ଷଣରେ ତଥା ସୁ ସାମ୍ବାଦିକ ସୁ ସାହିତ୍ୟିକ ନରେନ୍ଦ୍ର ପ୍ରସାଦ ବେହେରା ଓ ଧୀରେନ୍ଦ୍ର ମଲ୍ଲିକଙ୍କର ପର୍ଯ୍ୟବେକ୍ଷଣରେ ସମସ୍ତ ଅଡିଓ କବିତା ପରିବେଷଣ କରାଯାଇ ଜଗନ୍ନାଥଙ୍କ ପଦ ପଙ୍କଜରେ ସମର୍ପିତ କରାଗଲା ।ରାଥପଥର ଏହି କାର୍ଯ୍ୟକ୍ରମର ଅନୁଭୂତି ସଂଯୁକ୍ତା ସାହୁ କରିଥିବାବେଳେ ପ୍ରଫୁଲ୍ଲ କୁମାର ହୋତା ଧନ୍ୟବାଦ ଅର୍ପଣ ଓ ହାସ୍ୟମୟୀ ରାଜ ଅନୁଷ୍ଠାନ ବାର୍ତ୍ତା ସହ ଶାନ୍ତିପାଠ କରିଥିଲେ । ଏହି ଆସରରେ ଅନନ୍ୟାର ସମସ୍ତ ସଦସ୍ୟ ସଦସ୍ୟାଙ୍କର ସମ୍ପୃକ୍ତି ଓ ସାଗ୍ରହ ତ୍ୟାଗପୂତ କର୍ମପ୍ରବଣତା ପ୍ରକଟିତ ହୋଇଥିଲା ।।
ବାଲେଶ୍ଵରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
