ମାଉସୀ ଘର
ମାନଗୋବିନ୍ଦ ସ୍ବାଇଁ
ମାଉସୀ ଦାଣ୍ଡରେ ତିନି ରଥ ଠିଆ
ମାଉସୀ କଲା ଆଦର
ସେନେହ ମମତା ଦେଉଛି ମାଉସୀ
କହୁଛି ଧନରେ ମୋର।
ନବ ଦିନ ଧରି ମାଉସୀ ଘରକୁ
ଅତିଥି ହବ ଏଥର
ମନ ଖୁସି କରି ପାଏ ବ୍ୟବହାର
ତୋଷ ହବ ମନ ତୋର।
ଭଜନ ଜଣାଣ ସଂକୀର୍ତ୍ତନ ଗାଇ
ଭକ୍ତ ଜନ ହବ ଖୁସି
ବରଷକୁ ଥରେ ମାଉସୀ ଘରକୁ
ଆସୁ ଭକ୍ତ ସଙ୍ଗେ ମିଶି।
ମାଉସୀ ମା ଦାଣ୍ଡ ହୋଇଛି ଗହଳି
ଭକ୍ତ ସଙ୍ଗେ ବନମାଳୀ
ରଥରୁ ଠାରୁଛି ଭକ୍ତକୁ ଦେଖୁଛି
ଭକ୍ତ ଦୁଃଖକୁ ସମ୍ଭାଳି।
ଶୁଣୁଛି ଖବର ଦେଉଛି ଉତ୍ତର
ଦଣ୍ଡେ କରି ସମାଧାନ
ଦେବି ନାହିଁ ଦୁଃଖ ସର୍ବ ଦେବି ସୁଖ
ଦୂରେଇ ବିପଦମାନ।
ଗୋଜାବନ୍ଧ ମହାକାଳପଡ଼ା
କେନ୍ଦ୍ରାପଡ଼ା
