ଧର୍ମଗଡ:୧୨/୦୭/୨୨: କଳାହାଣ୍ଡି ସାଂସଦ ବସନ୍ତ କୁମାର ପଣ୍ଡା କଳାହାଣ୍ଡି ଜିଲ୍ଲାର ଜିଲ୍ଲା ଶିକ୍ଷା ବିଭାଗ ପାଇଁ ସାଂସଦ ପ୍ରତିନିଧି ଭାବରେ ଜଗବନ୍ଧୁ ମିଶ୍ରଙ୍କୁ ନିଯୁକ୍ତି କରିଛନ୍ତି । ଜଣେ ଶିକ୍ଷାବିତ ଙ୍କୁ ସାଂସଦ ପ୍ରତିନିଧି ଭାବେ ମନୋନୀତ କରିଥିବାରୁ ଶିକ୍ଷକ ମହଲରୁ ଶୁଭେଚ୍ଛା ଜ୍ଞାପନ କରା ଯାଇଛି। ଶ୍ରୀ ମିଶ୍ର ୨୦୧୯ ମସିହା ନଭେମ୍ବର ମାସ ପର୍ଯ୍ୟନ୍ତ କଳାହାଣ୍ଡି ଜିଲ୍ଲାର ଓଷ୍ଟା ସଭାପତି ଥିଲେ । ଏହା ପରେ ସେ ଭାରତୀୟ ଜନତା ପାର୍ଟି ରେ ଯୋଗଦାନ କରିଥିଲେ ଏବଂ ବିଜେପି ବୁଦ୍ଧିଜୀବୀ ପ୍ରକୋଷ୍ଠରେ ସଦସ୍ଯ ଓ ପରେ ଭାରତୀୟ ଜନତା ପାର୍ଟି ର ଶିକ୍ଷାପ୍ରକୋଷ୍ଠ ର ଆବାହକ ଭାବରେ ମନୋନୀତ ହୋଇ ଥିଲେ। ଆଜି କଳାହାଣ୍ଡି ସାଂସଦ ଶ୍ରୀ ମିଶ୍ରଙ୍କର ନିଷ୍ଠା ଓ କର୍ତ୍ତବ୍ୟ ପରାୟଣତାକୁ ଦେଖି କଳାହାଣ୍ଡି ଜିଲ୍ଲା ଶିକ୍ଷାବିଭାଗ ପାଇଁ ସାଂସଦ ପ୍ରତିନିଧି ମନୋନୀତ କରିଛନ୍ତି। ତାଙ୍କ ପ୍ରତି ସାଂସଦ ଅସ୍ତା ପ୍ରକଟ କରି ଥିବାରୁ ଶ୍ରୀ ମିଶ୍ର କୃତଜ୍ଞତା ଜ୍ଞାପନ କରିଛନ୍ତି ।
ଧର୍ମଗଡ଼ ରୁ ବୈଦ୍ୟ ନାଥ ବେହେରା ଙ୍କ ରିପୋର୍ଟ
