କୋଷାଗୁମୁଡ଼ା:-୧୮/୦୭ ନବରଙ୍ଗପୁର ଜିଲ୍ଲା କୋଷାଗୁମୁଡ଼ା ବ୍ଲକ ବି ଏମ ସେମଳା ପାଞ୍ଚାୟତ ଅନ୍ତର୍ଗତ କେରାଣ୍ଡିମାଳ ଗ୍ରାମର କମଳଲୋଚନ ଭତ୍ରା ଓ ବଳି ଭତ୍ରା ଏହି ଦୁଇ ପରିବାରଙ୍କ ଆଜବେଷ୍ଟ ଘର ଆଜି ସକାଳ ୬ ଟା ସମୟରେ ବର୍ଷା ଯୋଗୁଁ ସମ୍ପୂର୍ଣ୍ଣ ଭୁଶୁଡି ଯାଇଛି ।
ମିଳିଥିବା ସୂଚନା ଅନୁସାରେ ଲଗାଣ ବର୍ଷା ଲାଗି ରହିଥିବା ବେଳେ ଏହି ଦୁଇ ପରିବାର ଘରଭିତରେ ନ ରହି ଗତ ରାତିରୁ ପାଖରେ ଥିବା ଏକ କୁଡ଼ିଆ ଘରେ ଆଶ୍ରୟ ନେଇଥିବା ବଳି ଏବଂ କମଳଲୋଚନ କହିଛନ୍ତି ।
ମୁଦଳଧାର ବର୍ଷା ହେବା ଯୋଗୁ ଏହି ଦୁଇ ପରିବାରଙ୍କ ଘର ଆଜବେଷ୍ଟ ଓ କାନ୍ଥ ସହ ଭୁଶୁଡ଼ିଗଲା । କମଳଲୋଚନ ଭତ୍ରା ଙ୍କ ସ୍ତ୍ରୀ ପିଲାଙ୍କ ସହ ୪ଜଣ ରୋଷେଇ କୁଡ଼ିଆ ଘରେ ଅତି ଦୟନୀୟ ଅବସ୍ଥାରେ ଆଶ୍ରୟ ନେଇଛନ୍ତି । ବାସନ, ଧାନ, ଚାଉଳ,ଲୁଗାପଟା ସହ ବହୁ ଜିନିଷ ନଷ୍ଟ ହୋଇଯାଇଛି ।
ବଳି ଭତ୍ରା ଙ୍କ ୬ ପ୍ରାଣୀ କୁଟୁମ୍ବ ଏମାନେ ମଧ୍ୟ ଏକ ରୋଷେଇ କୁଡ଼ିଆ ଘରେ ଆଶ୍ରୟ ନେଇଛନ୍ତି । ଏହି ଦୁଇ ପରିବାର ବହୁତବଡ଼ ଦୃଘଟଣାରୁ ବର୍ତ୍ତି ଯାଇଛନ୍ତି । ଦୁଇ ପରିବାର ଏବେ ଅସହାୟ ହୋଇ ପଡିଛନ୍ତି । ଘର ପୁଣି କିପରି ତିଆରି କରିବେ ସେନେଇ ଚିନ୍ତାରେ ପଡିଯାଇଛନ୍ତି । ଦୁଇ ପରିବାରକୁ ଶିଘ୍ର ସରକାରୀ ସହାୟତା ଯୋଗାଇଦେବାକୁ ଗ୍ରାମବାସୀ ଦାବି କରିଛନ୍ତି ।
କୋଷାଗୁମୁଡ଼ା ରୁ ମହେନ୍ଦ୍ର ବିଶୋଇ ଙ୍କ ରିପୋର୍ଟ
