ରାଇଘର ୬/୮ ନବରଙ୍ଗପୁର ଜିଲା ରାଇଘର ବ୍ଲକ ରାଇଘର କୁନ୍ଦେଇ ମୁଖ୍ୟ ରାସ୍ତା ବୋବେଇ ଛକ ନିକଟରେ ଏକ କାର ଦୁର୍ଘଟଣା ରେ ଜଣେ ମୃତ ହୋଇଥିବା ବେଳେ ଆଉ ଜଣେ ଗୁରୁତ୍ୱର ଓ ୪ ଜଣ ଆହାତ ହୋଇଥିବା ଜଣାପଡିଛି l ରାଇଘରବ୍ଲକ ଗଞ୍ଜାପାରା ଗ୍ରାମର ଭରତ ରାମ ମାଳୀ (୩୪), ଗୋବିନ୍ଦ ମାଳୀ (୨୮), ଯତୀନ୍ଦ୍ର ଗଣ୍ଡ (୧୯), ବିଶମ୍ବର ମାଳୀ (୨୮), କାମଦେବ କେଉଟ (୨୩) ଓ ତ୍ରିନାଥ ମାଝୀ (୨୫) ଶୁକ୍ରବାର ଦିନ ଛତିଶଗଡ ରେ ଥିବା ସିହବା ଶୈବପୀଠ କୁ ଦର୍ଶନ କରିବା ପାଇଁ ଯାଇଥିଲେ l
ସେହି ଦିନ ରାଇଘର ଅଂଚଳର ଶହ ଶହ ମହିଳା ପୁରୁଷ କାଉଡ଼ିଆ ସେଠାକୁ ଯାଇ ପାଣି ଉଠାଇ ସେଠାରୁ ବାହାରିବା ପରେ ୬ ଜଣ ସେଠାରୁ ବାହାରି ଥିଲେ l ନିଜ ଘର ଗଞ୍ଜାପାରା ଫେରିବାକୁ ୪ କି.ମି. ରହିଥିବା ବେଳେ ବୋବେଇ ଛକ ନିକଟରେ ରାତି ୧୦ ଟା ସମୟରେ ଭାରସ୍ୟାମ ହରାଇ କାର (ନୋ ସିଜି ୦୬ ଏଲ୍ ୦୭୧୪ )ଘଟଣା ସ୍ଥଳରେ ୪,୫ ଥର ଓଲଟି ଧାନ ବିଲ ମଝିରେ ଅଟକି ରହିଥିଲା l ଘଟଣା ସ୍ଥଳରେ ଭରତ ମାଳୀ ଙ୍କ ମୃତ୍ୟୁ ଘଟିଥିଲା l 
ଗୋବିନ୍ଦ ମାଳୀ ଗୁରୁତ୍ୱର ରହିଥିବାରୁ କୋରାପୁଟ ସ୍ଥାନାନ୍ତର କରାଯାଇଥିବା ବେଳେ ଆଉ ଚାରି ଜଣ ଆହାତ ଅବସ୍ଥାରେ ରାଇଘର ଚିକିସ୍ସାଳୟ ରେ ଚିକିତ୍ସା ହେଉଥିବା ଜଣା ପଡିଛି l ରାଇଘର ପୋଲିସ ଘଟଣା ସ୍ଥଳରେ ପହଞ୍ଚି ଶବ ବେବଛେଦ ପରେ ପରିବାର କୁ ହସ୍ତାନ୍ତର କରି କେସ ନୋ ୧୫୯/୨୨ ରେ କେସ ରୁଜୁ କରି ତଦନ୍ତ କରୁଥିବା ତଦନ୍ତ ଅଧିକାରୀ ଏସ୍ ଆଈ ରବିନ୍ଦ୍ର ପ୍ରଧାନ ପ୍ରକାଶ କରିଛନ୍ତି l
ରାଇଘର ରୁ କିରଣ କୁମାର ପଟ୍ଟନାୟକ ଙ୍କ ରିପୋର୍ଟ
