ଜଣାଣ

ମାନଗୋବିନ୍ଦ ସ୍ବାଇଁ

ଶୁଣିମା ମଣିମା ମୋ ଗରିବ ଡାକ

    ଭାସି ଗଲି ଭବ ଜଳେ

 ଜଗତ ବାସୀଙ୍କୁ ଉଦ୍ଧାର କରିବ

      ପ୍ରଭୁ ଅଛ ନିଳାଞ୍ଚଳେ।

ଆହେ ବିଶ୍ବ ପତି ଜଗତର ପତି

     ଭକତ ଉଦ୍ଧାର ପ୍ରାଣ

ଆଶୀର୍ବାଦ ମିଳୁ ଭକ୍ତି ଭାବ କରୁ

    ଘେନ ଆମ ଏ ପ୍ରଣାମ।

ସକାଳ ଆରମ୍ଭ ତୁମରି ନାମରେ

    ସନ୍ଧ୍ୟା ହୁଏ ତୁମ ନାମେ

ବସି ଅଛି ପ୍ରଭୁ ଗମ୍ଭୀର ଭିତରେ

    ମୋ’ର ଭକ୍ତି ପୁରୀ ଧାମେ।

ଏଇଠୁ ବାଢୁଛି ସଂଜର ସଳିତା

      ଭକ୍ତିରେ ଘେନ ଅଞ୍ଜଳି

ଭଜନ କରୁଛି ରାତି ଦିନ ଧରି

     ଧରି ତୋର ଜପାମାଳି।

ତରି ଗଲେ ପାପି ଧରି ତୋର ନାମ

     ମୁକ୍ତି ଲାଭ ପୁରୀ ଧାମ

ହରିରାମ ଧରି ଜପ କରୁ ଥିବି

     ଉଦ୍ଧାରିବ ପୁଣ୍ୟ ବ୍ରହ୍ମ।

ଗୋଜାବନ୍ଧ ମହାକାଳପଡ଼ା

କେନ୍ଦ୍ରାପଡ଼ା