ଢେଙ୍କାନାଳ; ରାସୋଳକୁ “ ଏନ୍ଏସି ” ମାନ୍ୟତା ପ୍ରଦାନ କରିବା ଦାବିରେ ଢେଙ୍କାନାଳ ଏବଂ ଅନୁଗୁଳ ଜିଲ୍ଲାର ଲୋକପ୍ରିୟ ନେତା ଇଂ . ଦେବାଶିଷ ହୋତାଙ୍କ ନେତୃତ୍ବରେ ଆଜି ଅଞ୍ଚଳବାସୀ ଆରଆଇ ଅଫିସ୍ ସାମ୍ନାରେ ଆନ୍ଦୋଳନ କରିଛନ୍ତି । ମାନ୍ୟବର ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକଙ୍କ ଉଦ୍ଦେଶ୍ୟରେ ରାସୋଳ ଆର ଆଇ ଶଶିଭୂଷଣ ବେହେରାଙ୍କୁ ଏକ ଦାବିପତ୍ର ପ୍ରଦାନ କରାଯିବା ପରେ ଆଜିର ଆନ୍ଦୋଳନକୁ ସୁଗିତ ରଖାଯାଇଛି । ବିଗତ ଦିନମାନଙ୍କରେ ଅନେକ ଥର ଆନ୍ଦୋଳନ କରାଯାଇଥିଲେ ମଧ୍ୟ ସରକାର କର୍ଣ୍ଣପାତ କରୁନାହାନ୍ତି । ରାସୋଳ ଅଞ୍ଚଳବାସୀଙ୍କ ସାମୂହିକ ହିତ ଦୃଷ୍ଟିରୁ ମାନ୍ୟବର ମୁଖ୍ୟମନ୍ତ୍ରୀ ରାସୋଳକୁ ତୁରନ୍ତ “ ଏନ୍ଏସି ” ମାନ୍ୟତା ପ୍ରଦାନ ନ କଲେ ଆଗାମୀ ଦିନରେ ଭୟଙ୍କର ଜନଆନ୍ଦୋଳନ ଗଢି ଉଠିବ ବୋଲି ଇଂ.ହୋତା ଇତ୍ୟବସରରେ ପ୍ରକାଶ କରିଛନ୍ତି ।
ଢ଼େଙ୍କାନାଳ ରୁ ନାୟକ ଅକ୍ଷୟ ରାଜହସ୍ତୀ ଙ୍କ ରିପୋର୍ଟ
