ମୃତ୍ୟୁ
ପ୍ରକାଶ କୁମାର ମିଶ୍ର
ଜୀବନ ମରଣ ସତ୍ୟ ଚିରନ୍ତନ
ଜନ୍ମ୍ ଥିଲେ ମୃତ୍ୟୁ ଅଛି ।
କର୍ମ ଗୁଣେ ଫଳ ଭୋଗନ୍ତି ସକଳ
ଖଣ୍ଡନେ କା’ ଶକ୍ତି ଅଛି ।
ଏ ମୃତ୍ୟୁ ନିଷ୍ଠୁର ନ ଚିହ୍ନେ ଅନ୍ତର
ଜାଣେନା ଆପଣା ପର ।
ବାଳୁତ ବା ବୃଦ୍ଧ,ଶୈଶବ କିଶୋର
କିଏ ବୁଦ୍ଧ କିଏ ଚୋର ।।
କଞ୍ଚା କି ପାଚିଲା ନଜାଣଇ ମୃତ୍ୟୁ
ଅୟସ ବୟସ ବେଳ ।
ପ୍ରେମିକ ପ୍ରେମିକା ଭାବ ନଦେଖଇ
ଆସେ ପୁରିଗଲେ କାଳ ।।
ମୃତ୍ୟୁ କୁ ଡରିଲେ ଡରାଇବ ସିଏ
ଡାକିଲେ ସେ ଆସିବନି ।
କାହାର ଶୁଣିନି ଶୁଣିବନି ସିଏ
ହେଉ ଯେତେ ଗୁଣୀ ଜ୍ଞାନୀ ।।
ଯେତେ ପଢ଼ ତୁମେ ମହା ମୃତ୍ୟୁଞ୍ଜୟ
ମନ୍ତ୍ର ଦିବସ ରଜନୀ ।
ମୃତ୍ୟୁ ପାଖେ କା’ର ନାହିଁ ସୁପାରିଶ
ହେଉ ବା ନିର୍ଧନୀ ଧନୀ ।
ମୃତ୍ୟୁ ଅଟ୍ଟହାସ୍ୟ କରୁଛି ସର୍ବଦା
ଜାଗ୍ରତେ ହୁଅ ସଜାଗ ।
କେଜାଣି କା’ଭାଗ୍ୟେ କୋଳେଇ ନେବାକୁ
ପରଓ୍ବାନା ଦେବ ଆଗ ।।
ପ୍ରକାଶ କୁମାର ମିଶ୍ର
