ଦେବଗଣ ଯେ କରନ୍ତି ସ୍ତୁତି
ବିଘ୍ନନାଶନ ହେ ଗଣପତି
ଶ୍ଯାମା ପ୍ରସାଦ୍ ବୋଷ୍
ଦେବଗଣ ଯେ କରୁଛନ୍ତି ସ୍ତୁତି
ବିଘ୍ନନାଶନ ଆହେ ଗଣପତି ।
ଧ୍ଯାନ ଦିଅ ବାରେ ଏ ସୃଷ୍ଟି ସ୍ଥିତି
ନୋହିଲେ ଏ ସୃଷ୍ଟି ହୋଇବ ଇତି ।।
ପାର୍ବତୀ ନନ୍ଦନ ହେ ଗଣପତି
ଅଗ୍ର ପୂଜା ପ୍ରଭୁ ପାଇବ ନିତି ।
ତବ ପୂଜା ବିନା ନାହିଁ ତ ଗତି
ଅଗତିର ଗତି ଦିଅ ମୁକତି ।।
ଦେବଗଣେ ଯେବେ ପଡେ ବିପତ୍ତି
ଗଣପତି ଙ୍କୁ ସେ କରନ୍ତି ସ୍ତୁତି ।
ଭକ୍ତି ଭାବ ନେଇ କରିଲେ ଭକ୍ତି
ସର୍ବ କାର୍ଯ୍ୟେ ସିଦ୍ଧି ମିଳଇ ଶକ୍ତି ।।
ଦେବଗଣ ସ୍ତୁତି ଶୁଣିଲେ ତୃପ୍ତି
ହୋଇଥାଅ ପ୍ରଭୁ ହେ ଗଣପତି ।
ତବ ପାଦେ ଲୟ ରଖିଲେ ମତି
ଟଳି ଯାଇଥାଏ ସବୁ ବିପତ୍ତି ।।
ଗଜାନନ ବେଶ ସୁନ୍ଦର ଅତି
ଜ୍ଞାନୀ ଗୁଣି ପ୍ରଭୁ ହେ ଗଣପତି ।
ବ୍ରହ୍ମାଣ୍ଡ ଭ୍ରମଣେ ତୁମରି ଗତି
ମୂଷିକ ବାହାନେ ଗଲଟି ଜିତି ।।
ବୁଦ୍ଧି ,ବିଦ୍ୟା ,ଜ୍ଞାନ ଦାତା ଅଟନ୍ତି
ସର୍ବାଗ୍ରେ ପୂଜିତ ରହିଛି ସ୍ଥିତି ।
କି ସୁନ୍ଦର ଶୋଭା ସେ ରୂପ କାନ୍ତି
କୋଟି ସୂର୍ଯ୍ୟ ସମ ପ୍ରଭାକୁ ଜିତି ।।
ଶ୍ଯାମା ପ୍ରସାଦ୍ ବୋଷ୍
ବେଗୁନିଁଆ , ମଲ୍ଲୀକ୍ ସାହି
ପୋଷ୍ଟ :- ଗୋପ୍ , ଜିଲ୍ଲା :- ପୁରୀ