ଶ୍ରୀ ଗଣେଷ
ଅନ୍ନପୂର୍ଣ୍ଣା ସାହୁ
ବହୁ ତାପସ୍ୟାର ଘଟିଥିଲା ଅନ୍ତ
ଯେବେ ଆସିଥିଲ ତୁମେ ଗଜାନନ
ପୁତ୍ର ପାଇବାର ପ୍ରତିକ୍ଷାର ଶେଷ
ହୋଇଥିଲା ଯେବେ ତୁମରି ଜନ୍ମ
ମାତାଙ୍କ ବଚନ ପାଳିବାର ପାଇଁ
କରିଥିଲ ତୁମେ ମସ୍ତକଦାନ
ତୁମରି ସେ ତ୍ୟାଗ ଜାଣିଛି ସଂସାର
ଜାଣେ ଏ ଦୁନିଆଁ ତୁମେ ମହାନ
ବିଶ୍ୱ ବ୍ରହ୍ମାଣ୍ଡରେ ତୁମେ ସର୍ଵପୂଜ୍ୟ
କର ସଦା ତୁମେ ବୁଦ୍ଧିଦାନ
ସବୁ ଶୁଭ ଲାଭ ତୁମଠୁ ଆରମ୍ଭ
ତୁମେ ପରା ଅଟ ସର୍ବଶକ୍ତିମାନ
ଗଣ ବେଶଧାରୀ ତୁମେ ଗଜାନନ
ଦୁଃଖ ବୁଝିଜାଣି ସଭିଙ୍କ ମନ
ବୁଦ୍ଧିବଳେ ଜିଣିଥିଲ ଭୁମଣ୍ଡଳ
ସଵାରୀ କରି ମୂଷିକ ବାହାନ
ଯେତେ ପୂଜା ବ୍ରତେ ଆଗେ ପାଉ ପୂଜା
ତୁମେ ପରା ଅଟ ବିଘ୍ନ ନାଶନ
ଶ୍ରୀ ଗଣେଷ ରୂପେ ପାଉଥାଉ ପୂଜା
ତୁମେପରା ପାର୍ବତୀ ନନ୍ଦନ
ଭୁବନପୁର, ବାଲିଅନ୍ତା
